Marta Barreiro salientou que Galicia cumpre a regra n+3 e garante a correcta utilización dos fondos europeos no primeiro gran fito do programa
Santiago de Compostela, 3 de febreiro de 2025. A secretaria xeral técnica da Consellería do Mar, Marta Barreiro, compareceu hoxe na Comisión 8ª do Parlamento de Galicia para informar do grao de execución do Fondo Europeo Marítimo, de Pesca e de Acuicultura (Fempa) ao peche do exercicio 2025, no que Galicia acadou un nivel de certificación do 105 % respecto do obxectivo anual fixado, cun gasto certificado próximo aos 65 millóns de euros.
Este resultado permite a Galicia cumprir con éxito a primeira esixencia da regra n+3 do actual período de programación, garantindo a correcta execución dos fondos europeos dentro dos prazos establecidos pola normativa comunitaria e evitando a perda de recursos.
Desde o inicio da vixencia do Fempa, no ano 2021, Galicia leva executados arredor de 74 millóns de euros, o que supón o 21,5 % do total asignado, nun programa cuxa execución se prolongará ata o ano 2029. Estes datos reflicten un ritmo de xestión sostido e planificado, acorde cos obxectivos marcados pola Comisión Europea.
Durante a súa intervención, a secretaria xeral técnica salientou que Galicia é a comunidade autónoma máis beneficiada polo Fempa en España, cunha asignación global superior aos 366 millóns de euros, o que representa o 32,7 % do total do fondo asignado ao conxunto do Estado. Este volume de recursos responde ao peso estratéxico do sector marítimo-pesqueiro galego e á súa relevancia na aplicación das políticas europeas en materia de pesca, acuicultura e economía azul.
Ata o momento, os fondos Fempa permitiron financiar en Galicia un total de 2.171 proxectos, cun gasto público total mobilizado que ascende xa a 236 millóns de euros. Estas actuacións abranguen ámbitos clave como a modernización da frota, a mellora da seguridade e eficiencia dos buques, o apoio ás organizacións de produtores, o impulso á acuicultura, a sustentabilidade ambiental, a innovación e o desenvolvemento das zonas costeiras.
Xestión eficaz
Na súa comparecencia, Marta Barreiro subliñou tamén o esforzo realizado pola Xunta para adaptar a xestión ao novo marco normativo europeo, lembrando que 2024 foi, na práctica, o primeiro ano completo de execución do Fempa tras o peche do anterior Femp 2014-2020. Neste contexto, destacou medidas como o reforzo da estrutura administrativa, a simplificación de procedementos e a posta en marcha da rede de oficinas Es.Mar para facilitar o acceso do sector ás axudas.
A secretaria xeral técnica concluíu sinalando que os datos acadados confirman que Galicia está a facer un uso eficaz, rigoroso e responsable dos fondos europeos, reforzando a competitividade do sector marítimo-pesqueiro e a cohesión social das comunidades costeiras.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
