Nota de prensa:
Socialistas e nacionalistas negáronse a apoiar a iniciativa, situándose máis próximos aos furtivos que aos profesionais do mundo do mar que desenvolven a súa actividade cumprindo a lei e respectando a sostibilidade dos recursos pesqueiros e marisqueiros
O PARLAMENTO APROBA UNHA INICIATIVA DO GRUPO POPULAR PARA QUE O FURTIVISMO REINCIDENTE SE CONVIRTA EN DELICTO PENAL
* “Os propios profesionais son os que aseguran que a lexislatura bipartita caracterizouse por certa pasividade da Xunta fronte ao furtivismo”
* O voceiro de Mar dos parlamentarios populares explicou que a experiencia práctica demostra que a inmensa maioría dos que practican o furtivismo de xeito recorrente o fan amparados por subterfuxios e trucos legais que os levan a declararse insolventes ou a adoptar outro tipo de encubrimentos e, polo tanto, “a evadir o efecto das sancións administrativas que poidan aplicárselles como consecuencia da súa acción furtiva”
Santiago, 15 de decembro de 2010.- O Pleno do Parlamento galego aprobou hoxe unha iniciativa presentada polo Grupo Popular pola que se insta á Xunta a dirixirse ao Goberno de España co obxecto de que poña en marcha as modificacións lexislativas que estime máis axeitadas para converter o furtivismo reincidente nun delicto penal. Segundo salientou o voceiro de Mar dos populares na súa intervención, o obxectivo é, “como xa adiantou a conselleira do Mar, Rosa Quintana”, adoptar todas as fórmulas “para que o un por cen dos furtivos non deixe sen futuro ao 99% dos mariñeiros e mariscadoras honestos e concienciados”.
Socialistas e nacionalistas negáronse a apoiar a iniciativa, situándose máis próximos aos furtivos que aos profesionais do mundo do mar que desenvolven a súa actividade cumprindo a lei e respectando a sostibilidade dos recursos pesqueiros e marisqueiros
José Manuel Balseiro destacou que o actual Goberno da Xunta “impulsou medidas” e “quixo e soubo dar solucións” a este problema, pero “cómpre avanzar no endurecemento lexislativo”. Así, referiuse a actuacións desenvolvidas polo Goberno de Feijóo como a recuperación da colaboración entre o Servizo de Gardacostas de Galicia e as Forzas e Corpos de Seguridade do Estado, mediante as patrullas conxuntas; o reforzo de medios humanos e materiais; a reforma da Lei de Gardacostas; as dobres tripulacións dos helicópteros; ou os plans especiais de loita contra o furtivismo.
PASIVIDADE DO BIPARTITO
Actuacións que contrastan coa política do anterior Goberno da Xunta, etapa da que Balseiro lembrou “cómo as lanchas dos gardacostas permañecían amarradas en porto”, a inoperatividade de moitos dos medios aéreos, a falta de tripulación suficiente nos helicópteros ou a redución das axudas ás confrarías para os labores de vixilancia. “Os propios profesionais son os que aseguran que a lexislatura bipartita caracterizouse por certa pasividade da Xunta fronte ao furtivismo”, apuntou Balseiro, para quen esa pasividade foi o “caldo de cultivo ideal para que proliferara a acción dos furtivos”.
Malia as medidas correctoras introducidas pola Xunta actual, o voceiro de Mar dos parlamentarios populares explicou que a experiencia práctica demostra que a inmensa maioría dos que practican o furtivismo de xeito recorrente o fan amparados por subterfuxios e trucos legais que os levan a declararse insolventes ou a adoptar outro tipo de encubrimentos e, polo tanto, “a evadir o efecto das sancións administrativas que poidan aplicárselles como consecuencia da súa acción furtiva”.
“Non podemos resignarnos a perpeturar esta situación”, resaltou José Manuel Balseiro, quen afirmou que “se trata de sancionar como corresponde a quen aproveita a vulnerabilidade das sancións administrativas para seguir delinquindo”, de forma que se protexa “aos que traballan dunha forma honrada e civilizada”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
