Nota de Prensa
AO ALCALDE SEMELLA DISGURTARLLE MAIS RECIBIR AXUDAS DE AREAS DE GOBERNO DO BNG PARA FINANCIAMENTO DO PAI QUE NON RECIBILAS.
O BNG pídelle ao alcalde que se poña a traballar no lugar de andar alimentando polémicas estériles.
Pedir unha axuda de 1.300 euros para arranxo de parques infantís tendo os do concello na situación lamentábel na que están non di moito dos xestores municipais.
Sorprende que o alcalde de Cervo critique a concesión dunha axuda que permite a financiación do 100% do servizo do Punto de Atención Infantil de San Cibrao e que debería servir para aumentar o horario de apertura e os servizos que se prestan de acordo coas necesidades dos seus usuarios e usuarias. Da a sensación de que ao alcalde moléstalle que unha administración xestionada polo BNG poña os medios para mellorar a calidade dos servizos sociais en Cervo, algo que non ten moito sentido nun xestor municipal xa que por riba dos intereses partidistas deben primar sempre o interes veciñal que semella esquecer o Sr. Villares.
O BNG recoméndalle ao alcalde que se poña a traballar para mellorar a calidade do servizo que o concello presta no P.A.I., aumentando o seu horario de apertura e os servizos que presta ou reducindo drasticamente as taxas para poder xustificar a concesión da axuda pola Delegación de Benestar Social da Deputación que, como non podía ser doutro xeito, traballa coordinada coa Vicepresidencia da Xunta para complementar a prestación de servizos sociais o que permitiu no caso de Cervo recibir axudas por mais de 125.000 euros no ano 2008 para desenvolver políticas do Plan Concertado, desenvolvemento da Lei de Dependencia e conciliación familiar.
O CONCELLO NON SE SOUBO APROVEITAR DA ORDE DE AXUDAS PARA ARRANXO DE PARQUES INFANTIS.
O goberno municipal non se soubo aproveitar da orde de axudas para actividades e equipamentos de ocio infantil postas a disposición dos concellos pola Delegación de Benestar Social da Deputación. Na mesma dispúñanse axudas sen contía máxima cun máximo financiábel do 70%. A pesar da situación lamentábel na que se atopan os parques infantís do concello, algúns tan deteriorados que poden ser perigosos para os nenos e nenas, a solicitude dunha mínima axuda de 1.300 euros para pequenas obras de adaptación dun só parque pon de manifesto a falla de iniciativa dun goberno municipal torpe e desnotado que está mais preocupado, mais preocupado na loita partidista que en solucionar os problemas dos veciños.
O BNG SEGUE RECLAMANDO A INTEGRACIÓN NO CONSORCIO DE IGUALDADE E BENESTAR PARA MELLORAR OS EQUIPAMENTOS E SERVIZOS SOCIAIS DO CONCELLO.
Dende o BNG seguimos insistindo na necesidade de integración do concello no Consorcio galego de Servizos Sociais para conseguir unha financiación estábel e mais e mellores equipamentos sociais que demanda a sociedade. A negativa do PP a esta integración, impide a creación de equipamentos tan importantes como un Centro de Día para atender as necesidades dos maiores e persoas dependentes así como unha escola infantil de 0 a 3 anos coa calidade que os veciños e veciñas demandan.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
