A conselleira María José Gómez realizou unha visita na mañá de hoxe á SAT Os Penedos, no concello da Pastoriza
A Pastoriza, 4 de febreiro de 2026. A Consellería do Medio Rural publicará no primeiro trimestre deste ano unha nova convocatoria para favorecer a remuda xeracional, dotada cun orzamento de 53 millóns de euros. Destes fondos, 23 millóns son para apoiar a incorporación de mozos e os 30 millóns restantes para os plans de mellora asociados a esta incorporación. Así o anunciou hoxe a titular deste departamento, María José Gómez, nunha visita á SAT Os Penedos, no concello da Pastoriza, e beneficiaria destas axudas en convocatorias anteriores.
No percorrido pola explotación, no que estivo acompañada polo director xeral de Gandaría, Agricultura e Industrias Agroalimentarias, José Balseiros, explicou que no ano 2025 se recibiron numerosas solicitudes para estas achegas, en concreto máis de 460 en conxunto con ambas actuacións. Neste contexto, e co fin de dar resposta a esta alta demanda e favorecer a incorporación dun maior número de mozos, lánzase esta ampla convocatoria co fin último de impulsar a remuda xeracional. Polo tanto, estas achegas beneficiarán non só a novos solicitantes, senón tamén aqueles que a pediran no 2025.
Os mozos que xa presentaran a súa solicitude non terán que volver a rexistrala e criterios como os prazos dos investimentos ou a idade máxima permitida -41 anos- contarán desde a data de presentación do ano pasado. É dicir, garántense as mesmas condicións que cando presentaron a solicitude.
Resolución dos plans de mellora pendentes
María José Gómez afirmou que estas convocatorias, “tan importantes para o noso sector”, poñen de manifesto a aposta do Goberno autonómico pola remuda xeracional e pola sustentabilidade do agro galego para asegurar o futuro do sector. Lembrou así que algo máis de 5.000 mozos e mozas se incorporaron á actividade agraria ao abeiro desta convocatoria dende o ano 2009.
Seguindo esta liña, avanzou que mañá mesmo se publicará no Diario Oficial de Galicia unha das resolucións da convocatoria de 2025 destinada a financiar os plans de mellora dos mozos beneficiarios da convocatoria de incorporación do ano 2024 que, ese ano, se quedaran sen ese financiamento. En total, son 65 beneficiarios que recibirán unha achega conxunta de arredor de cinco millóns de euros, o que supón 76.000 euros por explotación de media e lles garante, en resumo, a viabilidade do seu proxecto.
Outras iniciativas para impulsar a remuda xeracional
Neste sentido, incidiu en que por parte do Goberno autonómico se seguirá a apoiar ás persoas que se incorporen á actividade agraria, tanto a través desta partida orzamentaria como doutras iniciativas que conforman “un completo” Plan de remuda para o sector. Un exemplo desta estratexia é o Banco de explotacións, que favorece o contacto de titulares interesados en cesar a súa actividade con persoas que queiran asumir a xestión dunha explotación, ben sexa a través de compra ou arrendamento. Este proceso fomentarase este ano cunha liña de axudas específica de 2,1 millóns de euros ata 2029.
María José Gómez fixo tamén referencia ao programa de titorización e asesoramento, que dende a súa posta en marcha no 2024 beneficiou a un total de 544 persoas solicitantes da axuda a incorporación. Estes mozos e mozas foron acompañados por 48 titores, profesionais das oficinas rurais dependentes da Xunta. A iniciativa terá continuidade este ano e duplica o seu orzamento ata chegar aos 850.000 euros.
Instrumento financeiro
Cómpre resaltar tamén que, a maiores destes apoios, a Consellería do Medio Rural mantén aberto o instrumento financeiro para dotar de liquidez ao sector agrario. Esta ferramenta conta cun orzamento total de 6 millóns de euros, unha contía que permitirá financiar préstamos por un volume potencial de case 60 millóns de euros.
Este é un mecanismo que pon a disposición do destinatario final a garantía para subscribir préstamos en condicións vantaxosas de financiamento, facilitando o acceso ao crédito de proxectos financeiramente viables, e deseñado para optimizar a administración e distribución dos fondos destinados á agricultura e ao desenvolvemento rural.
Habilítase este instrumento para as intervencións vencelladas aos investimentos produtivos en explotacións agrarias vinculadas a contribuír á mitigación-adaptación ao cambio climático e ao uso eficiente dos recursos naturais e benestar animal. Por outra parte, a ferramenta está tamén concibida para os investimentos en modernización e/ou mellora de explotacións agrarias.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
