Os representantes do PP explican que “esta sentenza reforza ao noso partido como o verdadeiro garante da legalidade” tras un longo proceso, “e hoxe ten que quedarlle claro á presidenta da Deputación, ao PSOE e ao BNG que non están por enriba da lei, que non son impunes e o Tribunal Supremo explicoulles que as actitudes ditatoriais á fronte dos gobernos non teñen cabida”
Lugo, 6 de febreiro, 2026. Os tres últimos voceiros do Grupo Provincial Popular na Deputación de Lugo —Elena Candia, Javier Castiñeira e Antonio Ameijide— ofreceron este venres unha rolda de prensa para valorar a sentenza do Tribunal Supremo que declara nula a compra dunha acción de Tragsa por parte da Deputación e as posteriores encomendas de xestión á empresa pública.
A resolución, a sentenza 48/2026 do 22 de xaneiro, é firme e estima na súa totalidade o recurso presentado polo Grupo Provincial Popular. O fallo anula as decisións adoptadas polo goberno provincial do PSOE e do BNG, ao considerar que vulneraron a lei de contratos e os procedementos de contratación pública.
“Non están por enriba da lei”
Os populares aseguraron que a sentenza deixa claro que “a presidenta da Deputación, o expresidente e os partidos que gobernan non están por enriba da lei nin son impunes”. Engaden que o Supremo “di alto e claro que o sectarismo e a actitude ditatorial non teñen cabida” e que as decisións adoptadas polo executivo provincial “saltaron a lei de contratos e a libre concorrencia”.
O PP destaca que esta resolución “reforza o papel do Partido Popular como garante da legalidade”, tras un proceso iniciado con Elena Candia como portavoz, continuado por Javier Castiñeira e culminado en 2026 con Antonio Ameijide.
Orixe do conflito: a compra dunha acción de Tragsa
Segundo explicou o Grupo Provincial Popular, o goberno presidido por José Tomé decidiu adquirir unha acción de Tragsa coa “intención política” de extinguir Suplusa e deixar sen protección á maior parte dos seus traballadores.
A compra realizouse “sen consultar co pleno” e permitiu, segundo o PP, adxudicar directamente traballos provinciais á empresa pública “sen procedemento ordinario nin concorrencia”.
O contencioso-administrativo de Lugo xa dera a razón ao PP en marzo de 2022, declarando nulas tanto a adquisición como a encomenda de xestión. O goberno provincial recorreu ao TSXG, que admitiu a apelación, o que levou ao PP a elevar o caso ao Supremo.
O Supremo crea xurisprudencia
Para o PP, o primeiro éxito foi que o Supremo aceptase o caso por interese casacional, ao tratarse dunha cuestión relevante: se a integración dunha administración nunha sociedade pública mediante a compra de capital social require ou non autorización expresa do pleno.
A sentenza conclúe que si, e que a Deputación vulnerou as competencias plenarias.
Os populares afirman que o fallo “pon de manifesto a actitude ditatorial, a prepotencia e a soberbia” do goberno provincial, ao “obviar aos representantes dos cidadáns e actuar como se a institución fose o seu cortello particular”.
Que pasa agora?
O PP sinala que quedan varias incógnitas por resolver:
• Que ocorrerá coa participación da Deputación en Tragsa.
• Que pasará cos traballadores que debían ser subrogados pola Deputación e foron enviados a Tragsa.
• Que sucederá cos encargos realizados e quen os asumirá.
Os populares subliñan que a sentenza “crea xurisprudencia a nivel estatal” e demostra que o goberno provincial “saltouse a lei ata o punto de que o Supremo confirmou as súas ilegalidades”.
Tamén lamentan que Lugo “volva ser exemplo do que non se debe facer nunha institución pública” e cuestionan se haberá responsabilidades políticas: “Debería habelas, pero estes dous partidos demostraron que perderon o respecto á ética, á moralidade e á decencia”.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
