Trabada, 13 de febreiro de 2026. O Concello de Trabada vén de presentar unha solicitude de subvención á Axencia Galega de Desenvolvemento Rural da Xunta de Galicia para levar a cabo a renovación integral da Rúa das Bolboretas, unha vía que conecta a Rúa Cotarelo coa Rúa San Roque e que constitúe un punto estratéxico da trama urbana do municipio.
O proxecto presentado conta cun orzamento que supera os 106.000 euros e contempla unha actuación completa sobre a rúa coa mellora da accesibilidade, a renovación total dos servizos e subministracións existentes e a posterior pavimentación da vía. Trátase dunha intervención integral destinada a modernizar esta infraestrutura, mellorar a seguridade e facilitar a mobilidade da veciñanza.
Desde o Concello destacan que esta actuación permitiría dar resposta a necesidades detectadas nesta rúa, mellorando tanto as condicións de uso como a imaxe urbana da zona, ao tempo que se avanza na adaptación do espazo público aos criterios actuais de accesibilidade e calidade urbana.
O alcalde de Trabada, Rubén García, sinalou que “desde o Concello seguimos solicitando todas aquelas axudas ás que podemos optar, coa finalidade de continuar renovando e mellorando o noso municipio”. O rexedor amosou tamén a súa confianza en que esta subvención poida ser concedida, “xa que nos permitiría avanzar nun proxecto importante para a veciñanza e seguir transformando os espazos públicos de Trabada”.
Rubén García engadiu que o goberno municipal manterá esta liña de traballo, apostando pola captación de fondos doutras administracións para executar actuacións que, doutro xeito, resultarían difíciles de afrontar con recursos propios nun concello rural como Trabada.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
