Burela, 22 de febreiro, 2026. O partido comezou cun ritmo altísimo e co Móstoles buscando porta desde o primeiro instante. No minuto 2 chegou o primeiro aviso: disparo de Cris Blanco que se foi por riba do traveseiro. No mesmo minuto, Ana Eliza tivo que intervir para despexar e, acto seguido, Nere Moldes rozou o gol tras un roubo en cancha burelense. Lara tamén probou fortuna, pero Silvia García enviou o balón a córner.
No minuto 5, Ana Eliza realizou un paradón tras unha triangulación entre Montufo e Irene García, que rematou a porta. Con todo, o 1-0 non tardou en chegar: Irene García aproveitou un rebote no traveseiro tras un disparo de Claudia para adiantar ás locais. No minuto 8, a porteira brasileira volveu lucirse cunha gran intervención a unha volea da propia Irene.
O Burela respondeu cunha ocasión clarísima de Irene, asistida por Laura Barranco, pero Silvia García evitou o empate. No minuto 9 chegou o 2-0, obra de Clau Gómez, que fusilou a portería tras combinar con Benete.
As mariñás buscaron recortar distancias: Marina obrigou a intervir á porteira local no 14 e Cris Blanco probou desde a banda, pero sen acerto. A cinco minutos do descanso, por fin chegou o 2-1: unha xogada brillante entre Macarena e Laura Barranco, que culminou cun remate perfecto da xienense tras unha diagonal desde case a súa propia área.
O tramo final da primeira parte foi un intercambio de ocasións. Silvia García evitou o empate nun disparo de Sandra, e o Móstoles xerou ata catro oportunidades no último minuto, sen lograr ampliar a vantaxe.
Segunda parte
O Burela saíu co mesmo quinteto e Ana Eliza volveu ser decisiva no minuto 21, detendo un remate de tacón espectacular de Nere Moldes. Os primeiros minutos foron equilibrados, co Burela mantendo máis posesión e reducindo as chegadas locais.
Porén, no 26 chegou o 3-1: unha diagonal perfecta de Miriam Serrano a Benete, que definiu con precisión. No 27, Irene buscou a escuadra nunha falta e, pouco despois, Clau Gómez fixo o 4-1 recibindo de costas un pase de Piti.
O Burela apostou polo xogo de cinco con Irene como porteira-xogadora, pero o Móstoles castigou: Nere Moldes marcou o 5-1 desde a súa propia portería. Con Lara vestindo a elástica azul, Cris Blanco obrigou a outra boa intervención de Silvia, e Laura Barranco estivo a piques de marcar nunha acción individual pola banda.
Lara recortou distancias no 31 cun bo pase interior de Sandra (5-2), pero o Móstoles respondeu de inmediato: Claudia fixo o 6-2 nunha contra e Silvia García anotou o 7-2 cun saque directo aproveitando a portería baleira.
O Burela mantivo o xogo de cinco e estivo preto de marcar nunha xogada ensaiada que saíu á perfección. As mariñás tamén defenderon con moito mérito unha contra que puido ser o oitavo. No 36, Claudia executou unha falta perigosísima, pero Gabi salvou baixo paus. Xa no último minuto, Laura Barranco buscou o segundo pau, aínda que Sandra non chegou ao remate.
Ficha Técnica MRB Móstoles FSF 7-2 Reyco Burela FS
MRB Móstoles FSF (7): Silvia García; Nere Moldes, Benete (C), Clau Gómez, Piti –quinteto inicial-, Irene García, Claudia, Miriam Serrano, Montufo, Iza Tracz, Brandolini.
Reyco Burela FS (2): Ana Eliza; Cris Blanco, Sandra, Lara, Irene -quinteto inicial-, Silvia Rubal (C), Gabi, Laura Barranco, Macarena, Lari, Marina, Lola Muñoz (P).
Goles: 1-0, min. 5: Irene García. 2-0, min. 9: Clau Gómez. 2-1, min. 16: Laura Barranco. 3-1, min. 26: Benete. 4-1, min. 28: Clau Gómez. 5-1, min. 28: Nere Moldes. 5-2, min. 31: Lara. 6-2, min. 32: Claudia. 7-2, min. 33: Silvia García Milla.
Árbitros: Georgiana Alina Bancu // Cristian Cubero // Ricardo José Alegría. Por parte do Móstoles veu tarxeta amarela Clau Gómez (26’). Por parte do Reyco Burela, Sandra (10’) e Marina (14’).
Incidencias: Partido correspondente á xornada 19 de 1ª División Iberdrola FS disputado no pavillón Eva Manguán.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
