Alfoz, 4 de marzo de 2026. A Dirección Executiva de VIA Alfoz quere trasladar á opinión pública a súa preocupación pola situación do servizo postal que presta a oficina de Correos de Ferreira do Valadouro, da que depende o reparto postal no Concello de Alfoz, ante a continuidade dunha problemática que, lonxe de solucionarse, se está prolongando no tempo.
Xa no Pleno municipal de xaneiro, o Grupo Municipal de VIA Alfoz presentou unha moción en defensa do Servizo Postal Universal, aprobada por unanimidade, na que se advertía do risco de perda de efectivos e da afectación directa dun servizo público esencial nun municipio rural, con elevada dispersión xeográfica e importante porcentaxe de poboación maior.
Posteriormente, fíxose pública unha información sobre a suposta supresión dunha praza na quenda de mañá. Tras as informacións recabadas, desde VIA Alfoz podemos indicar que a praza coñecida internamente como “circular catro” continúa figurando formalmente no sistema organizativo, é dicir, non consta administrativamente como amortizada. Con todo, non está cuberta, non se ten procedido á súa provisión efectiva e todo indica que non se vai cubrir no futuro.
A esta circunstancia súmase que unha das carteiras leva arredor de catro meses de baixa sen substitución. Na práctica, o servizo está a ser asumido por dous efectivos cando está dimensionado para catro, o que implica unha sobrecarga de traballo e dificultades para garantir o reparto en condicións de normalidade en todas as parroquias de Alfoz e O Valadouro.
“Non estamos ante unha cuestión partidista nin ante unha oportunidade para facer propaganda política. Xa vivimos no pasado anuncios e promesas que non se materializaron, e agora tampouco é momento de utilizar este problema como ferramenta de confrontación”, indican desde a Dirección Executiva de VIA Alfoz.
“O que está en xogo é a garantía dun servizo público universal no medio rural. Falamos de cohesión territorial, de igualdade de dereitos e de acceso a prestacións básicas que, no caso de moitas persoas maiores, dependen directamente do funcionamento ordinario de Correos”, engaden.
VIA Alfoz reitera o acordado no Pleno e insta aos organismos competentes a garantir a cobertura efectiva das prazas estruturais e a substitución inmediata das baixas, co fin de asegurar a prestación do Servizo Postal Universal en condicións de calidade e continuidade.
Desde a Dirección Executiva de VIA ALFOZ queremos tamén expresar a nosa solidariedade co persoal afectado, que está a realizar un gran esforzo para manter o servizo en condicións moi complexas.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
