Nota de prensa
A pasarela de pagos por Internet da Deputación comezará a funcionar a principios de xaneiro grazas ó Innova-TE
– A Xunta de Goberno aprobou o convenio de adhesión que permite a entrada en funcionamento deste servizo que se iniciará o día 3, coincidindo coa primeira publicicación do BOP só en formato electrónico
– A pasarela de pagos, que se irá ampliando a outras taxas públicas, aforrará cartos e tempo ós cidadáns e ás empresas xa que non terán desprazarse á Deputación para efectuar o pago dos seus tributos
– Antonio Gato puntualiza que “comparen o que está a facer a Xunta e a Deputación. Veñen de remitir ós Concellos unha enquisa para saber como estamos en administración electrónica. Isto é xogar ó despiste porque nós xa o fixemos hai máis de ano e medio”
– A Deputación apoia o desenvolvemento do I Máster de Exeñería Industrial que se imparte na Facultade de Ciencias de Lugo
A Xunta de Goberno da Deputación aprobou este venres o convenio de adhesión a Red.es, a entidade empresarial dependente da Secretaría de Estado de Telecomunicacións e para a Sociedade da Información, que lle permitirá ó organismo provincial poñer en marcha a pasarela de pagos por Internet a principios de xaneiro dentro do Innova-TE; o programa dotado con 9 millóns de euros e cofinanciado nun 70% por fondos FEDER e que garante en menos dun ano a implantación da administración electrónica.
O novo sistema comezará a funcionar o día 3 xaneiro, coincidindo co primeiro día no que non so se editará o Boletín Oficial da Provincia en formato electrónico. “Continuamos avanzando na implantación da eadministración, que remateremos en 2011 destinando 1,3 millóns de euros. É dicir, ese día será o primeiro no que o pago das taxas dos anuncios se farán a través da Rede. Como paso previo, no Pleno de novembro aprobamos a ordenanza que regula e dá validez legal a este sistema de pagamento”.
Os cidadáns só terán que dispoñer dun ordenador, conexión a Internet e estar en posesión do DNI electrónico. Os pasos a seguir para realizar este proceso son os seguintes: entrar no apartado Inserción de anuncios no BOP con pago telemático, onde aparecerá un icono específico para esta función. Pinchando neste apartado, o cidadán poderá escoller o modo de pago. A continuación, terá que cubrir os datos e dar a conformidade. Concluído o proceso, o usuario estará en condicións de poder descargar o xustificante de pago.
Malia que os prezos do BOP serán os primeiros que se poderán pagar co novo sistema, a pasarela de pagos irase ampliando a outras taxas públicas. Facilitará o pago ós 62 Concellos que teñen delegado a recadación de tributos na Deputación e outros prezos públicos como as taxas por dirección de obras ou pola utilización dos bens de dominio público provincial.
Beneficios da pasarela
Co pago telemático non só se mellorará o servizo ofrecido ata o de agora ós cidadáns e ás empresas, senón que se lles aforra cartos e tempo os contribuintes, xa que non terán que desprazarse á Deputación para efectuar o pago dos seus tributos. Será un servizo moito máis áxil, cómodo, profesional e moderno, “polo que comparen o que está a facer a Xunta de Galicia e a Deputación. Veñen de remitir ós Concellos unha enquisa para saber como estamos en administración electrónica. Isto é xogar ó despiste porque a Deputación xa fixo isto hai máis de ano e medio. Mentres o noso programa é unha realidade, eles aínda están cos cuestionarios. Isto é o que nos propón o peor goberno que tivo Galicia”.
Máis avances para a administración electrónica
Asimesmo, a Deputación tamén aprobou a adhesión ó convenio da Junta de Andalucía, a través do cal esta administración lle cederá á institución provincial o sistema de notificación oficial (software notifi@) e a plataforma de sinatura electrónica (@firma). O primeiro permite que ós cidadáns que así o elixan recibir notificacións oficiais dos pagos realizados, obtendo os comprobables de entrega polo emisor e a recepción polo destinatario. Asimesmo, a Deputación formará parte da Rede Sara creada polo Ministerio da Presidencia para as Comunidades Autónomas. Este sistema, ademais de permitir a verificación dos datos do DNI electrónico, ten un funcionamento moi semellante ó do Rexistro a Deputación.
Transferencia de estradas á Xunta
Aprobouse a contratación da subministración dunha aplicación informática para mellorar a xestión de conservación de estradas a través dun inventario gráfico e visual. Este sistema, que ten un investimento de 59.000 euros e que funciona de xeito moi semellante a un SIX (Sistema de Información Xeográfica), permitirá mellorar a xestión das vías de titularidade provincial, xa que en todo momento permite coñecer o estado do firme ou sinalización.
A Deputación en 2011 continuará mellorando a calidade das vías. Coa Conservación repavimentaranse 173 quilómetros que benefician ós veciños de 36 Concellos. Neste senso, Antonio Gato subliñou que a Deputación realiza un esforzo inversor moi importante, xa que ten a rede viaria máis extensa de España, 4.000 quilómetros fronte ós 1.453 quilómetros que xestiona a Xunta de Galicia na provincia.
O Deputado provincial lembrou que o goberno autonómico vén de chegar a un acordo coa Deputación de Pontevedra para a transferencia de 300 quilómetros. “Seguimos insistindo na importancia de chegar a un acordo político. Agardamos que a Xunta teña a mesma vara de medir coa Deputación de Lugo porque senón estaríase confirmando outra discriminación a esta provinca e que os mandatarios de Lugo non teñen ningún peso en Santiago”.
Apoio ó Máster de Enxeñería e outros acordos da Xunta de Goberno
Fóra da Orde do Día tamén se apobou a proposta do equipo de goberno para manifestar o apoio da Deputación ó desenvolvemento do I Máster de Exeñería Industrial que se imparte na Facultade de Ciencias de Lugo. “Consideramos que estes estudos contribúen á darlle prestixio ó noso Campus, farémoslle chegar ós 30 alumnos matriculados este acordo, así como á Facultade na que se imparte”.
A Xunta de Goberno deu o visto e prace a 4 novas obras do canon hidroeléctrico. Destas, 3 pertencen ó Concello da Fonsagrada e 1 ó Concello de Portomarín e suman un total de 381.726. Tamén se aprobaron sendos convenios cos Concellos de Viveiro e Becerreá para a cuberta do campo do Clube Deportivo Novas Raíces de Galdo e para a adquisición dun camión para a prestación de servizos públicos de competencia municipal, respectivamente.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
