Ribadeo, 11 de marzo, 2026. A Plataforma pola Defensa das Nosas Árbores quere informar sobre a situación do grupo eléctrico situado no quiosco do parque infantil, tras as declaracións do alcalde publicadas nun medio o sábado 7 de marzo. Nesa información, o rexedor afirmaba literalmente: “Ese problema arranxouse xa hai un ano” e “foi unha das primeiras cousas que fixemos porque nos alertaron de ese risco e pasamos aviso para que se solucionase de maneira inmediata”.
Co obxectivo de evitar polémicas e contrastar os feitos, a plataforma comprobou o domingo 8 de marzo que a porta da instalación seguía aberta. Nese momento tomouse unha fotografía xunto cun xornal do día, que permite verificar a data con claridade. As imaxes non deixan lugar a dúbidas: o domingo 8 a porta continuaba aberta.
Finalmente, o martes 10 de marzo ás 10:30 h, a plataforma comprobou que a portiña xa estaba pechada con chave.
Resumo dos antecedentes
1. Martes, 24 de febreiro
Un membro da plataforma observou tres nenos agachados xunto a un portelo aberto na base do quiosco, a piques de tocar unha instalación eléctrica. A persoa afastou os menores, avisou ás familias, pechou a porta e chamou á Policía Local, que tomou nota e indicou que avisaría aos servizos correspondentes. No chat interno da plataforma deuse o asunto por resolto.
2. Venres, 27 de febreiro
Por precaución, revisouse de novo a instalación e comprobouse que a porta non estaba pechada con chave. A plataforma enviou unha nota de prensa acompañada dunha fotografía, confiando en que isto acelerase a solución.
3. Domingo, 29 de febreiro
A porta seguía aberta, non só sen chave, senón totalmente aberta. A plataforma entende que probablemente algún neno a deixou así xogando, e decidiu esperar uns días máis para ver se se arranxaba.
4. Declaracións do alcalde e realidade comprobada
As declaracións do alcalde, nas que aseguraba que o problema estaba resolto desde había un ano, contrastan coas probas gráficas achegadas pola plataforma. Os feitos mostran que a portiña permaneceu aberta durante polo menos quince días, e descoñécese canto tempo levaba así antes da primeira observación.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
