O Goberno galego destina a esta iniciativa, liderada polo CiMA , máis de 700.000 euros e conta coa participación do IGAFA e da Federación Provincial de Confrarías de Pescadores de Lugo
Santiago de Compostela, 11 de marzo de 2026. A conselleira do Mar, Marta Villaverde, anunciou hoxe no Parlamento de Galicia a posta en funcionamento no vindeiro mes de abril do minicriadeiro de semente de moluscos bivalvos no Vicedo, que estará dirixido polo equipo profesional do Centro de Investigacións Mariñas (CIMA) de Ribadeo e permitirá incrementar a capacidade de produción de semente en Galicia.
A responsable autonómica fixo estas manifestacións durante a resposta a unha pregunta parlamentaria relativa ao proxecto Partbiv, unha iniciativa que impulsa a participación directa do sector marisqueiro nos procesos de reprodución e cría de moluscos bivalvos, no que está enmarcada esta acción. Unha liña de traballo que amosa a importancia da investigación e da innovación para reforzar a sustentabilidade e a recuperación dos recursos marisqueiros.
A titular de Mar explicou que este proxecto se desenvolve no marco de Redemar, a rede creada pola Xunta para conectar o sector pesqueiro e os organismos científicos de Galicia, e está liderado polo CIMA xunto co Instituto Galego de Formación en Acuicultura (IGAFA), en colaboración coa Federación Provincial de Confrarías de Pescadores de Lugo. O obxectivo é implicar ao colectivo mariscador en todo o proceso de produción de semente de bivalvos, desde a reprodución e cría ata a súa posterior sementeira nos bancos naturais.
Villaverde subliñou que esta iniciativa conta cun orzamento superior aos 700.000 euros, cofinanciado nun 70% polo Fondo Europeo Marítimo, de Pesca e de Acuicultura (Fempa), e permitirá avanzar tanto en resultados produtivos —como a mellora dos criterios para seleccionar semente con maior potencial de crecemento— como en resultados sociais, favorecendo unha maior implicación das persoas mariscadoras no seguimento e coidado dos bancos.
Máis de 2 millóns de semente
A responsable autonómica resaltou o traballo desenvolvido polos centros dependentes da Consellería do Mar, como o CIMA e o IGAFA, que entregaron en 2025 máis de 2,1 millóns de unidades de semente ás confrarías, das cales máis de 1,9 millóns corresponderon a ameixa fina, babosa e xaponesa. Unha cifra que, segundo indicou, se prevé incrementar nos próximos anos grazas ao desenvolvemento do proxecto Partbiv.
Neste contexto, Villaverde incidiu en que a cooperación entre administración, sector produtivo e comunidade científica é clave para avanzar na recuperación e xestión sostible dos recursos mariños e reiterou o compromiso da Xunta de seguir impulsando a investigación e a transferencia de coñecemento como ferramentas fundamentais para garantir o futuro do mar e do sector marítimo-pesqueiro galego.
Estatuto das mulleres do mar
A conselleira do Mar tamén respondeu a unha pregunta relativa á tramitación do Estatuto das mulleres do sector marítimo-pesqueiro de Galicia, unha norma destinada a reforzar o recoñecemento profesional e a igualdade de oportunidades das mulleres no ámbito marítimo-pesqueiro.
A responsable autonómica explicou que o texto está a seguir todos os trámites previstos para a súa aprobación, incluíndo a consulta pública previa, a fase de información pública e o proceso de audiencia ás entidades representativas do sector, co obxectivo de garantir unha elaboración participada e transparente da norma.
Neste sentido, subliñou que o estatuto pretende recoñecer os dereitos das mulleres do mar, combater a discriminación e fortalecer o seu papel profesional nun sector no que máis de 4.000 mulleres desenvolven a súa actividade na pesca, acuicultura e marisqueo en Galicia.
Saúdos do gabinete de comunicación da Consellería do Mar
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
