Ribadeo, 12 de marzo de 2026. O alcalde, Dani Vega, valora de xeito moi positivo a xuntanza mantida co conselleiro de Emprego e Comercio, José González, que serviu para establecer novas vías de colaboración.
O rexedor contou que “esta reunión que mantivemos co conselleiro de Emprego, Comercio e Emigración foi realmente positiva. Nosoutros trasladamos certas cuestións que son fundamentais, entendendo que Ribadeo é esa capital comercial da Mariña e do Occidente asturiano. Estamos acollendo sistematicamente a moitas persoas e polo tanto temos necesidades”.
Vega declarou: “entendendo que a Xunta colabora sistematicamente con Ribadeo, con Acisa, con todas as iniciativas que temos, tamén trasladamos certas propostas innovadoras. Seguir apostando pola pancha, seguir apostando pola actividade na praza de abastos, tamén seguir dinamizando o comercio de proximidade, démonos conta de que cando lle compramos a unha tenda de Ribadeo, a unha tenda local, estámoslle comprando a un veciño. Temos que ter esa parte de iniciativa, esa parte de dinamización de Ribadeo. E queremos seguir nesa liña. Estamos empeñados en colaborar con todo o noso comercio, con moitas propostas”.
O alcalde contou que “estamos tamén traballando na liña da recuperación da praza de abastos. Esa inversión, que fai poucos días anunciábamos, que por parte da Consellería, concretamente de Comercio, nos axudaban con 200.000 euros para renovar toda a cuberta da praza de abastos. E tamén seguir apostando por iniciativas como a Gastropraza, que é dinamizar a praza de abastos, polo tanto necesitamos orzamento”.
Dani Vega tivo palabras de agradecemento para José González: “agradecemos ao conselleiro esta reunión, unha reunión que tiñamos ganas de que se producira, porque pareciamos fundamental preparar as cousas, anticiparnos e ter a iniciativa de seguir a ser esa capital comercial, esa capital do comercio que é Ribadeo. Vamos seguir apostando por iniciativas para apoiar o noso comercio local e vamos seguir tamén na liña de buscar espazos locais para dinamizar e darlle tamén un punto diferencial, darlle un valor engadido ao comercio, desde a formación, que eu creo que é moi importante para seguir na liña da profesionalización”.
O rexedor subliñou: “foi unha reunión positiva, unha reunión na que conseguimos grandes investimentos para que Ribadeo siga avanzando”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
