Javier Castiñeira: “Se o alcalde escoitou aos veciños de Porto Chico, tamén ten que escoitar aos de Uxío Novoneira que levan moito tempo pedindo ao alcalde que faga un cambio moi sinxelo: poñer en dobre sentido de circulación o tramo do campo de fútbol da avenida de Sarria”
Foz, 13 de marzo de 2026. A mobilidade segue a ser a gran tarefa pendente do goberno de Francisco Cajoto, tal e como se demostra cos “cambios no tráfico e a improvisación do alcalde”, evidenciado “o fracaso total do plan de mobilidade que vendeu a bombo e platillo”.
O voceiro popular en Foz, Javier Castiñeira, sinala que “proba disto é que o señor Cajoto está incumprindo reiteradamente as direccións que marca o plan de mobilidade”. Un claro exemplo son os cambios anunciados na rúa Manuel Murguía, que eran necesarios porque illaban a uns veciños que, pese a estar moi próximos ao porto, para chegar a el tiñan que dar a volta ao municipio.
Neste senso, Javier Castiñeira insiste en que “se Cajoto escoita a uns veciños para unhas cousas, ten que escoitalos a todos”, polo que dende o PP de Foz instan ao alcalde a atender tamén a reclamación que levan tempo facendo os veciños da zona de avenida de Sarria e da rúa Uxío Novoneira, ao igual que o Partido Popular, “veciños que tiveron que acudir incluso á Valedora do Pobo porque o alcalde desoíu as súas reclamacións”.
Para o voceiro popular a solución é sinxela, “sería suficiente con poñer a avenida de Sarria en dobre dirección na súa totalidade”. Na actualidade hai unha parte desta avenida en dobre sentido de circulación, mentres que a parte restante é de sentido único. “Esta situación está metendo moitísimo tráfico en Uxío Novoneira, o que está creando moitos problemas tamén aos veciños”.
Dende o PP de Foz esixen a Cajoto que “se escoitou aos veciños da zona de Porto Chico, tamén ten que escoitar aos veciños de Uxío Novoneira que, como diciamos, levan moito tempo pedindo ao alcalde que faga un cambio moi sinxelo: poñer en dobre sentido de circulación o tramo do campo de fútbol da avenida de Sarria”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
