Burela, 24 de marzo, 2026. A Asociación Esperanza, dedicada á loita e apoio contra o cancro, celebrou o pasado venres 20 a súa Asemblea Xeral Anual, na que as persoas asistentes aprobaron por unanimidade todos os puntos da orde do día.
Durante a sesión presentouse o balance económico de 2025 e o resumo das actividades realizadas ao longo dese ano. Tamén se avanzaron as liñas de traballo previstas para 2026, que manterán unha estrutura moi similar á do exercicio anterior.
Acordo principal: incremento das axudas á investigación
O punto máis destacado da reunión foi a aprobación das axudas económicas que Esperanza destinará en 2026 a entidades e proxectos dedicados á investigación, prevención, diagnose e tratamento do cancro, así como ao apoio a persoas e familias afectadas pola enfermidade.
En total, a asociación incrementa a contía destinada a proxectos de investigación, pasando de 8.500 a 13.000 euros.
Reparto das axudas aprobadas
• Proxecto Zebraglio2020 (HULA + USC): 3.000 €. Xa entregados nun acto celebrado o 7 de febreiro na Casa da Cultura.
• Fundación Quiroga Piñeiro (Centro Oncolóxico de Galicia): 2.000 €
• Asociación SOMOS Unidos por el Cáncer (Lugo): 2.000 €
• Grupo Español de Investigación en Cáncer de Mama (GEICAM): 1.500 €
Novos proxectos que recibirán apoio (1.500 € cada un)
1. Proxecto VERO – Hospital de Ourense
“Valor pronóstico y predictivo de respuesta del microambiente del cáncer gástrico en personas jóvenes”
Investigadora principal: Ana Fernández Montes.
2. Estudo sobre microbiota, minerais e cancro de mama – HULA
En fase avanzada, actualmente no proceso de recrutamento de pacientes.
Investigador principal: Ignacio Fernández Sobrado.
3. Proxecto sobre microambiente tumoral e resposta ao tratamento no cancro de páncreas – IDIS (Santiago)
Líder do proxecto: Jorge Barbazán García.
As axudas serán entregadas nas próximas semanas, agás a correspondente ao proxecto Zebraglio2020, xa formalizada.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
