Castro de Rei, 30 de marzo, 2026. O Grupo Municipal Socialista de Castro de Rei levou ao último Pleno unha batería de iniciativas centradas na mellora dos servizos públicos, a seguridade viaria e a defensa do territorio, situando no centro do debate a situación do Servizo de Axuda no Fogar (SAF) e das súas traballadoras.
A voceira socialista, Alba Sinde, explicou que as propostas “parten do contacto directo coa veciñanza e coas propias traballadoras dos servizos municipais”, e acusou ao goberno local do PP de “negar os problemas e evitar asumir responsabilidades”.
Sinde advertiu de que o executivo “está instalado na confrontación”, cunha actitude “máis centrada en levar a contraria á oposición que en dar solucións ás necesidades reais da veciñanza”.
Críticas á xestión do Servizo de Axuda no Fogar
A moción socialista, aprobada coa abstención do PP, recollía medidas concretas para corrixir as deficiencias do SAF trasladadas polas propias traballadoras. Entre elas, o PSdeG reclamou garantir a xornada completa, reorganizar as rutas para evitar desprazamentos inxustificados, recoñecer compensacións como o plus de perigosidade e o traballo en festivos, reducir as listas de espera e adaptar os tempos de atención ás necesidades reais das persoas usuarias.
O grupo socialista subliñou que estas demandas responden á realidade laboral das empregadas e aos problemas estruturais do servizo, que afectan tanto ás condicións de traballo como á calidade asistencial. Sinde lembrou que o PP chegou a cualificar de falsas as denuncias, malia basearse en testemuños directos, e mesmo xustificou a situación afirmando que “as traballadoras xa sabían que era un traballo precario cando comezaron”. “É gravísimo que un goberno xustifique a precariedade laboral en lugar de corrixila”, advertiu.
A voceira tamén desmontou outros argumentos do executivo: referiuse a unha suposta bolsa de horas “que nin sequera coñecen todas as traballadoras”, criticou que o PP se declare incapaz de actuar sobre cuestións como o plus de perigosidade ou os desprazamentos e lamentou que volva derivar responsabilidades na Xunta e no Estado. “O Concello non pode desentenderse dun servizo municipal nin escudarse noutras administracións para non actuar”, subliñou.
Melloras en seguridade viaria en Castro Ribeiras do Lea
No ámbito da seguridade, o PSdeG presentou unha proposta para mellorar a visibilidade dos pasos de peóns en Castro Ribeiras do Lea, especialmente en zonas de elevada afluencia. A iniciativa incluía iluminación dos pasos de cebra, sistemas de sinalización luminosa ou reflectante e melloras na sinalización dos estacionamentos próximos.
A proposta foi aprobada, aínda que o PSdeG criticou que o goberno local “tentara desacreditala desde o inicio”, reducindo a iniciativa a unha medida “nocturna” e ignorando o conxunto das actuacións previstas.
Falta de mantemento e respostas insuficientes
As socialistas tamén levaron ao Pleno un rogo sobre o estado da mesa de son da Casa da Cultura, deteriorada por filtracións de auga e pola falta de mantemento. A iniciativa instaba a garantir a súa conservación e protección, evitando danos nun equipamento esencial para a actividade cultural do municipio. Como resposta, o PP limitouse a propoñer gardar a mesa nun armario, unha medida que o PSdeG considera “claramente insuficiente”.
Defensa do territorio e control ao goberno
O PSdeG formulou ademais un rogo para instar ao soterramento da liña de alta tensión Cordal–Ludrío ao seu paso por Castro de Rei, co obxectivo de minimizar o impacto ambiental, paisaxístico e sobre a saúde da veciñanza.
No apartado de control, o grupo socialista trasladou preguntas sobre a situación da residencia municipal, os convenios existentes e o destino dos fondos do Pacto de Estado contra a violencia de xénero.
Sinde concluíu advertindo de que “o PP está máis preocupado por negar os problemas que por solucionalos”. “Estamos ante un goberno que evita asumir responsabilidades, que desacredita propostas útiles e que prefire confrontar antes que traballar polos intereses da veciñanza. Así é imposible que o noso concello avance”, rematou.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
