Antonio Ameijide alerta de que o aumento de custos nos materias de obras, como o do betume (que xa alcanza os 220€ por tonelada cando hai poucas semanas estaba a 60€), pode provocar que moitas das obras incluídas no Plan Deputación non se poidan executar por mor dos sobrecustes
Lugo, 30 de marzo de 2026. Os deputados do Grupo Provincial Popular reclamarán a PSOE e BNG, no pleno de mañá, unha actualización urxente e inmediata dos fondos destinados ao Plan Deputación “ante a necesidade de adaptar os investimentos á realidade económica actual, marcada por un incremento desorbitado nos custos de produción e materiais polos conflitos bélicos”.
O voceiro provincial popular, Antonio Ameijide, destaca que a maioría dos 67 municipios da provincia destinan os fondos deste plan a obras para o mantemento e arranxo da rede viaria municipal, polo que “todos somos conscientes de que os proxectos presentados hai catro meses quedaron totalmente obsoletos”.
Antonio Ameijide explica que todos os concellos realizaron os seus deberes en tempo e formo, pero “agora esa planificación é papel mollado”. “Os conflitos bélicos internacionais dispararon os prezos de materiais esenciais”, explicou, poñendo como exemplo claro o prezo do betume, que xa se sitúa nos 220€ por tonelada, cando hai poucas semanas estaba nuns 60€.
Outros materiais que aumentaron considerablemente o prezo son os carburantes, cun aumento dun 30%; o cemento, que subiu o coste entre un 30 e un 40%; derivados do petróleo (plásticos, pinturas…) experimentaron un aumento no prezo por enriba do 10%.
“Con esta nova situación, os profesionais estiman que o custe total dunha obra nova aumentou nun 30% nas últimas semanas, polo que PSOE e BNG deben de ser conscientes da nova situación e aumentar os fondos do Plan para que ningunha obra proposta polos concellos quede sen executar”, demandou.
Nesta nova situación, Antonio Ameijde advirte que “se PSOE e BNG non reaccionan con axilidade incrementando as partidas, moitos concellos veranse obrigados a renunciar ás obras”.
Dende o Grupo Provincial Popular instan ao goberno de Carmela López a demostrar “sensibilidade” cos concellos. “A Deputación ten que ser un soporte para os concellos, non un obstáculo. Non podemos permitir que a falta de previsión política condene aos nosos municipios a perder actuacións vitais”, afirmou.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
