Viveiro, 6 de abril, 2026. O BNG de Viveiro insta ao Partido Popular a retomar de inmediato a tramitación da ordenanza de protección e tenza de animais, un texto que quedou practicamente rematado e consensuado durante a súa etapa no goberno local á fronte da Concellería de Medio Ambiente.
A formación nacionalista lembra que o borrador da ordenanza foi finalizado a finais de febreiro de 2025, incorporando medidas clave como a regulación das condicións de alimentación, hixiene e identificación dos animais, obrigas específicas para a tenza de cans potencialmente perigosos, así como a implantación dun sistema de xestión ética das colonias felinas mediante o método CER (Captura, Esterilización e Retorno). Ademais, o texto contempla un réxime de sancións graduadas en función da gravidade das infraccións.
A portavoz do BNG, Iria Cotelo, explica que “deixamos unha ordenanza completa, traballada e consensuada cos distintos grupos, lista para a súa aprobación, á espera unicamente de concretar as zonas de esparexemento canino”.
Neste sentido, lembra que “na última reunión de portavoces este foi o único punto que quedou pendente, e o propio goberno do Partido Popular comprometeuse en maio de 2025 a convocar un encontro para consensualo”.
Porén, Cotelo critica que “un ano despois seguimos sen noticias desa reunión, o que resulta difícil de entender cando o resto do texto está consensuado cos grupos e listo para levar a pleno”.
A portavoz nacionalista advirte de que esta paralización retrasa a posta en marcha dunha normativa necesaria para garantir o benestar animal e a convivencia. “Estamos a falar dunha ferramenta fundamental para regular cuestións que afectan ao día a día da veciñanza e ao coidado responsable dos animais”, sinala.
“Non ten sentido manter paralizada unha ordenanza xa feita por non convocar unha reunión que o propio goberno se comprometeu a celebrar”, engade.
Por todo iso, desde o BNG reclaman ao executivo local que convoque “canto antes” unha nova reunión de portavoces para pechar este aspecto pendente e poder levar a ordenanza ao pleno municipal para a súa aprobación.
“Viveiro non pode seguir agardando por unha norma necesaria e demandada; o traballo está feito, só falta vontade política para rematalo”, conclúe Cotelo
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
