Ribadeo, 6 de abril de 2026. Ribadeo viviu unha Semana Santa de cifras excepcionais tanto no ámbito turístico como no comercial e hostaleiro. Máis de 3.300 persoas pasaron polas oficinas de turismo do municipio, segundo informou a concelleira Marta Saiz, quen fixo un balance “moi positivo” e destacou que Ribadeo “confirmou unha vez máis o seu atractivo e o seu tirón como destino clave do norte de Galicia”.
A Oficina de Turismo do centro da vila atendeu 773 visitantes, mentres que a da praia das Catedrais rexistrou 2.611 persoas, consolidando este enclave como un dos máis visitados do litoral galego. A edil subliñou que o turismo nacional continúa sendo maioritario, aínda que o internacional mantén unha presenza constante, especialmente de países europeos. Predominaron parellas, familias e pequenos grupos, así como un número crecente de peregrinos que xa anuncian o inicio da tempada alta no Camiño Norte.
Saiz destacou tamén o impacto da programación especial de Semana Santa, que incluíu visitas guiadas, música, gastronomía, deporte e actos relixiosos, e que contribuíu a ofrecer “unha experiencia turística completa”. A concelleira agradeceu o traballo do persoal das oficinas de turismo “nunhas datas nas que os visitantes se duplican ou triplican”.
Pola súa banda, a Asociación de Comerciantes, Industriais, Servizos e Autónomos (Acisa) fixo tamén un balance “moi positivo”. A presidenta, Carmen Cruzado, salientou que as rúas, bares, terrazas e espazos turísticos estiveron “ateigados de xente”, e que a praia das Catedrais esgotou os pases varios días. O xerente, Jesús Pérez, explicou que a ocupación hoteleira superou o 80% de media entre xoves e domingo, con movemento xa desde o sábado anterior, e que a hostalaría incrementou a facturación arredor dun 10% respecto ao ano pasado.
O comercio local tamén rexistrou boas cifras, favorecido polo bo tempo e polas compras de primavera e verán. A zona vella presentou o sábado á noite “unha estampa máis propia de agosto que de abril”, segundo Pérez. Tanto Cruzado como Pérez coincidiron en que Ribadeo se consolida como “referente turístico e comercial” da comarca e da provincia.
Desde Acisa sinalan que xa traballan coa vista posta no verán e nas próximas citas gastronómicas, deportivas e culturais, entre elas a ponte do 1 de maio e o Ribadeo Indiano, nun calendario que prevén “de moitísima actividade”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
