O obxectivo é desenvolver proxectos tecnolóxicos que faciliten e axilicen a execución dos fondos europeos destinados ao sector pesqueiro
Santiago de Compostela, 6 de abril do 2026. A conselleira do Mar, Marta Villaverde, e o conselleiro de Facenda e Administración Pública, Miguel Corgos, asinaron hoxe un acordo de colaboración para impulsar o desenvolvemento de proxectos das Tecnoloxías da Información e a Comunicación (TIC) que faciliten a aplicación e execución das axudas do Fondo Europeo Marítimo, da Pesca e da Acuicultura (FEMPA).
Este convenio, subscrito a través da Axencia para a Modernización Tecnolóxica de Galicia (Amtega), conta cun orzamento total de 1.028.000 euros (cofinanciado nun 70 % polo FEMPA) e estenderá a súa vixencia ata o 30 de decembro de 2028.
O seu obxectivo principal é que a Administración autonómica conte coas ferramentas e plataformas dixitais necesarias para garantir unha xestión máis áxil, transparente e eficiente dos fondos europeos. Entre os proxectos previstos destacan o sistema de información AXUMAR para a xestión das axudas do FEMPA, así como os portais web de difusión de políticas financiadas por fondos europeos e das axudas ao desenvolvemento local participativo (GALP).
A través deste acordo de colaboración interdepartamental, o Goberno galego reafirma o seu compromiso coa modernización dos procesos administrativos. Deste xeito, búscase reducir a burocracia e asegurar que as axudas cheguen da forma máis efectiva posible ao sector marítimo-pesqueiro galego, apoiando a súa competitividade e sustentabilidade fronte aos retos de futuro.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
