Trabada, 7 de abril de 2026. O Concello de Trabada acollerá o vindeiro 18 de abril a celebración da I Ruta Cabalar, unha nova iniciativa organizada pola asociación Cabaleiros de Trabada, un colectivo de recente creación no municipio, que conta coa colaboración do propio Concello.
A xornada dará comezo ás 10:00 horas coa saída desde o colexio de Trabada e contará cun completo programa de actividades ao longo do día. Durante a ruta ofreceranse pinchos na metade do percorrido e, a partir das 13:30 horas, terá lugar unha sesión vermú.
Posteriormente, ás 15:00 horas, celebrarase unha comida aberta a todas as persoas interesadas, seguida dunha tardeo con música a cargo de The Sound Project, completando así unha xornada pensada para o desfrute tanto das persoas participantes como do público en xeral.
O prezo da comida será de 30 euros para adultos e 16 euros para nenos e nenas de ata 10 anos, sendo necesario adquirir os tíckets ata o 15 de abril.
O alcalde de Trabada, Rubén García, destacou “a importancia de seguir apoiando ás asociacións do noso concello, especialmente ás de nova creación, que contribúen a dinamizar a vida social e a impulsar novas actividades para a veciñanza”.
Neste sentido, subliñou tamén que “desde o Concello continuaremos colaborando con todos os colectivos para fomentar iniciativas que favorezan a participación e o desenvolvemento de actividades no noso municipio”.
Desde o Concello de Trabada anímase á veciñanza a participar nesta primeira edición dunha ruta que nace coa vocación de consolidarse como unha nova cita no calendario local.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
