O operativo, coordinado pola Armada a través de MARFER, mobilizará múltiples medios o 18 de abril no porto e nas súas inmediacións
Burela, 10 de abril do 2026. O Concello de Burela acolleu na xornada de onte a última reunión de coordinación do exercicio marítimo MARSEC, un operativo de gran envergadura organizado pola Armada a través do Mando de Acción Marítima en Ferrol (MARFER), que terá lugar o vindeiro 18 de abril no porto e nos seus accesos.
Na reunión participaron representantes de todos os organismos implicados no dispositivo, entre eles a propia Armada, Capitanía Marítima de Burela, Gardacostas de Galicia, Dirección Adxunta de Vixilancia Aduaneira, Instituto Social da Mariña, Portos de Galicia, a Confraría de Pescadores de Burela e os servizos de emerxencias municipais, co obxectivo de pechar a planificación técnica e garantir a coordinación de todos os medios.
O exercicio simulará unha emerxencia marítima complexa nas proximidades da bocana do porto, na que un pesqueiro sofre unha vía de auga e un vertido de combustible, obrigando á activación dun amplo dispositivo de resposta. A partir dunha chamada de socorro, mobilizaranse recursos para desenvolver tarefas de busca e rescate (SAR), evacuación de feridos, control da contaminación mariña e reflotamento da embarcación.
A simulación incluirá diferentes fases operativas, como a caída de tripulantes ao mar, a localización de náufragos (incluíndo un desaparecido), operacións de mergullo para rescate subacuático e intervencións con helicóptero para evacuación médica. Tamén se organizará un dispositivo de triaxe no porto para a atención dos feridos e o seu traslado a centros sanitarios.
O despregue contará con importantes medios marítimos e aéreos, entre eles o patrulleiro da Armada, unidades de mergullo, embarcacións de Gardacostas de Galicia, a patrulleira de Vixilancia Aduaneira, o buque hospital do Instituto Social da Mariña e un helicóptero de rescate, ademais de efectivos de Policía Local, Protección Civil e servizos sanitarios.
Así mesmo, desenvolveranse actuacións de contención do vertido mediante o despregue de barreiras anticontaminación e operacións simuladas de reflotamento do pesqueiro, co fin de avaliar a resposta ante incidentes deste tipo no medio mariño.
A programación inclúe tamén actividades abertas á cidadanía. O venres 17 de abril celebrarase unha xornada de portas abertas, na que veciños e visitantes poderán visitar algunhas das embarcacións participantes e coñecer de preto o seu funcionamento.
Ese mesmo día terá lugar un acto institucional a bordo dun buque da Armada, así como unha presentación oficial do exercicio ante os medios de comunicación.
O concelleiro de Mar, Ramiro Fernández, quixo poñer en valor a elección de Burela como escenario destas manobras, “queremos agradecer que a Armada escollese Burela para acoller este exercicio, que sitúa o noso porto como un referente no ámbito da seguridade marítima e pon en valor a nosa tradición mariñeira”, sinalou.
Fernández destacou tamén a importancia da coordinación entre organismos, “este tipo de simulacros permiten mellorar a resposta ante situacións reais de emerxencia e reforzan o traballo conxunto de todos os medios implicados”, engadiu.
Este exercicio supón unha oportunidade clave para reforzar os protocolos de actuación, a coordinación interinstitucional e a preparación ante posibles emerxencias nun entorno estratéxico como é o porto de Burela.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
