Ribadeo, 11 de abril, 2026. Do 17 ao 19 de abril celebrarase en Ribadeo unha nova edición das Xornadas Gastronómicas da xarda, organizadas por Acisa coa colaboración da OPP do Porto de Burela. Un total de 18 locais hostaleiros ofrecerán tapas e pratos elaborados con este peixe azul de tempada.
A presidenta de Acisa, Carmen Cruzado, explicou que a OPP do Porto de Burela achega 90 quilos de xarda, que se distribuirán gratuitamente entre os establecementos participantes. “Deste xeito apoiamos ao sector hostaleiro e facilitamos que poidan ofrecer propostas gastronómicas sen custe engadido”, sinalou.
O xerente de Acisa, Jesús Pérez, destacou que esta iniciativa continúa a liña de acción da asociación: fornecer materia prima ás empresas asociadas para reducir custos nas campañas promocionais. As diferentes elaboracións poderán consultarse nas redes sociais de Acisa ao longo da vindeira semana. Participan locais de Ribadeo vila, o porto e Rinlo, estendendo así a actividade por varias parroquias do municipio.
Cruzado subliñou que estas xornadas buscan dinamizar a hostalería nestas datas e ofrecer unha proposta atractiva para a veciñanza da Mariña, da provincia de Lugo e do Occidente asturiano. Ademais, destacou a importancia de fomentar o consumo de peixe, especialmente de produto local como a xarda do Porto de Burela, rica en Omega 3.
No acto de presentación, celebrado en Burela, participaron representantes da OPP-7, de Absa e de Acisa.
Días Azuis do Comercio Galego
Acisa súmase un ano máis á campaña Días Azuis do Comercio Galego, que se celebra do 10 ao 30 de abril. Repartiranse 20.000 euros en premios en tarxetas prepago. A clientela só ten que rexistrar as súas compras en www.diasazuis.com para participar.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
