Burela, 11 de abril, 2026. O Burela FS protagonizou un partido moi intenso no Joan Gamper, cun inicio cheo de ocasións claras. No primeiro minuto, Izan dispuxo da primeira chegada perigosa tras unha saída rápida de balón, e pouco despois Pitero obrigou a Iker Abad a realizar a súa primeira intervención.
O Barça Atlètic adiantouse no minuto 6 cun gol de Recasens, que aproveitou un rexeite tras un saque de falta. O Burela respondeu con varias chegadas: Jason probou sorte no minuto 8 cun disparo por riba do traveseiro e, no 10, unha xogada ensaiada entre Raid, Izan e Pitero acabou despexada pola defensa local.
No minuto 12, Jordi Sánchez estivo a piques de marcar a porta baleira, pero Nico salvou in extremis tras un pase errado de Torero. No mesmo minuto, Izan estrelou un potente disparo no traveseiro. O Burela seguiu presionando con intensidade e Nico obrigou de novo a Iker a enviar a córner un tiro raso moi perigoso.
A tres minutos do descanso chegou o 2-0, de novo obra do capitán catalán, que recuperou o balón e definiu con contundencia. Antes do intermedio, o Burela tivo máis ocasións: Alán rematou de cabeza no 18, pero Iker desviou á banda, e unha boa contra entre Alán e Mauro tampouco logrou superar ao gardameta local.
Segunda parte: reacción, sufrimento e emoción ata o final
A segunda metade comezou cun golazo de Pitero no primeiro minuto, xirándose na área e colocando o balón na escuadra. Segundos despois, Raid rozou o empate e Izan obrigou de novo a Iker a intervir no 22.
No 24, Tapias anotou o 3-1 nun lanzamento de falta que se coou entre as pernas de Lautaro. O porteiro arxentino desviou ao traveseiro outro disparo de Tapias no 25 e enviou a córner un tiro de Pol Cano tras un saque longo.
No 29, Pitero e Izan dispuxeron dun dobre intento que a defensa e o porteiro barcelonés neutralizaron. Viedma evitou o segundo do Burela cunha gran parada a Izan, pero no minuto 31 o propio Izan viu a vermella directa por unha zancadilla a Roger. No saque de falta, Recasens completou o seu hat-trick cun disparo escorado.
O Burela apostou polo xogo de cinco con Raid como porteiro-xogador. No minuto 34, Pitero transformou un penalti para poñer o 4-2. Roger estrelou un balón no largueiro no 35 e, no 36, Lautaro detivo un dobre penalti nunha intervención espectacular.
O Barça estivo preto de sentenciar nun disparo do seu gardameta a porta baleira e nunha contra finalizada por Alberto, pero no 37 chegou o 4-3: un auténtico golazo de Charly culminando unha gran combinación en xogo de cinco.
Nos últimos minutos, o Burela tivo o empate moi preto: unha falta perigosa que despexou a defensa local, un tiro raso de Nico que saíu rozando o pau e un disparo final de Raid que Iker enviou a córner no último instante.
Ficha Técnica Barça Atlètic 4-3 Reyco Burela FS
Barça Atlètic (4): Iker Abad; Roger, Sergi Viedma, Tapias, Víctor Pérez, –quinteto inicial-, Joel Miñano, Pol Cano, Recasens (C), Sequero, Jordi Sánchez, Rubén Rodó, Pau Ramos, Adriá.
Reyco Burela FS (3): Torero; Pitero (C), Charly, Raid, Izan, -quinteto inicial-, Alán, Jason, Alberto, Mauro, Nico, Lautaro (P)
Goles: 1-0, min. 6: Recasens. 2-0, min. 17: Recasens. 2-1, min. 21: Pitero. 3-1, min. 24: Tapias. 4-1, min. 31: Recasens. 4-2, min. 34: Pitero. 4-3, min. 38: Charly.
Árbitros: Jesús Montero // Juan Haedo // Jordi Eliseo Sarabia // Anuar Bakkas. Por parte do Barça Atlètic viron tarxeta amarela Víctor Pérez (4′), Roger (27’), Pau Ramos (33′), Pol Cano (33′) e Adriá (38′). Por parte do Reyco Burela, Alán (12′), Raid (24′), Alberto (35’), Pitero (35’) e Lautaro (35’). Veu a tarxeta vermella Izan (31′).
Incidencias: Partido correspondente á xornada 25 de Segunda División Masculina disputado na Ciutat Esportiva Joan Gamper de Barcelona
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
