Foz, 18 de abril de 2026. O Concello de Foz, a través da área de Participación Cidadá, iniciará proximamente un proceso participativo para a selección de diferentes nomes destinados a once rúas da localidade que carecen del na actualidade.
Con esta iniciativa, o Concello quere contar coa opinión de todas as veciñas e veciños, abrindo un prazo dun mes para a presentación de propostas. As proposicións poderán realizarse tanto de xeito presencial como a través de correo electrónico, facilitando así o acceso a toda a cidadanía.
Nos vindeiros días publicaranse as bases que rexerán esta iniciativa, as cales poderán consultarse tanto na web municipal como nas redes sociais do Concello. Cada persoa poderá presentar un máximo de tres propostas. Os nomes deberán estar relacionados con Foz ou ter un significado especial para o noso Concello e excluiranse figuras políticas, xa representadas na rúa Corporacións Municipais: poderán ser accidentes xeográficos, persoeiros ilustres ou pertencer a outra temática. Teranse en conta propostas de nomes de mulleres relevantes da nosa historia, que de forma tradicional non tiveron o recoñecemento que merecían. A proposta de exemplo, poderiamos citar como representativos de Foz unha futura Rúa do Entroido ou unha Rúa Suso Fernández.
Unha vez recibidas todas as suxestións, procederase a unha primeira selección daqueles nomes que cumpran cos criterios establecidos nas bases. Posteriormente levarase a cabo unha consulta pública e aberta na que poderán participar todos os empadroados no municipio, que escollerán, entre as propostas finalistas, os nomes que mellor representen as once vías públicas para posteriormente elevalo á xunta de voceiros da Corporación para a súa oficialización en pleno.
A concelleira de Participación Cidadá, Elena Martínez Pena, salientou a importancia desta iniciativa: “queremos fomentar a participación activa das veciñas e veciños neste proceso, xa que as súas achegas poden resultar moi enriquecedoras para a nosa vila. Ademais animamos aos centros educativos do municipio a implicarse e formar parte deste proceso, xa que é unha oportunidade para que a mocidade participe na vida pública e coñeza mellor a historia e identidade de Foz”.
O alcalde de Foz, Fran Cajoto, pretende que a consulta pública se converta nun “exercicio colectivo de recoñecemento a todo aquilo que nos representa e a todas aquelas persoas relevantes da nosa historia que contribuíron ao Foz que somos hoxe. Creo que é unha obriga recoñecer o esforzo dos que nos precederon, aínda que farían falta moitas máis rúas para que todas e todos tivesen a homenaxe que merecen”.
Dende o Concello de Foz anímase a toda a veciñanza a participar activamente nesta iniciativa, que “pretende fomentar a implicación cidadá no recoñecemento da nosa identidade e memoria colectiva da vila”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
