A iniciativa, promovida dende a área de Servizos Sociais que dirixe Carmen Veiga, desenvólvese en colaboración coa Fundación ONCE
Barreiros, 22 de abril, 2026. A área de Servizos Sociais do Concello de Barreiros, dirixida pola tenente de alcaldesa Carmen Veiga, puxo en marcha unha acción formativa destinada a favorecer a inserción laboral de persoas con discapacidade. O curso de vendedor ou vendedora de estacións de servizo, iniciado o martes 14 de abril, desenvólvese en colaboración coa Fundación ONCE a través de Inserta Emprego.
Segundo explican desde o goberno municipal, esta iniciativa reforza o compromiso do Concello coas políticas sociais inclusivas e contribúe a posicionar Barreiros como un referente de colaboración institucional na Mariña Lucense. O curso conta con alumnado procedente de varios municipios da comarca —entre eles Foz, Ribadeo, Lourenzá e Barreiros—, o que evidencia a utilidade e alcance desta proposta máis aló do ámbito local.
Unha ponte cara ao emprego real
O obxectivo principal é dotar ás persoas participantes das competencias necesarias para traballar en estacións de servizo, un sector con demanda activa na comarca. Trátase de ofrecer formación útil e orientada á creación de oportunidades reais de acceso ao emprego para colectivos que atopan maiores dificultades de inserción.
Desde o Concello subliñan que a relevancia deste curso transcende as fronteiras municipais e exemplifica unha forma de gobernar centrada nas necesidades da veciñanza, cunha visión comarcal que facilita recursos e oportunidades para o conxunto da Mariña.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
