Como unha das xustificacións que alegaron os grupos políticos defensores da moción de censura no Concello de Viveiro, estaba o impulso da variante.
Para a memoria quedan as promesas do PP na Xunta, no ano 2000, hai 26 anos, dixeron que ían facer unha vía rápida, pois segundo eles unha autovía “non cubriría as necesidades da Mariña”; posteriormente, no 2003, Feixóo como Conselleiro de Política Territorial dicía que a variante de Viveiro sería o primeiro tramo da vía rápida Ferrol-Barreiros; logo, xa no 2009, co PP de novo na Xunta, o conselleiro Agustín Hernández comprometíase a finalizar todo o corredor antes do 2017. Anuncios feitos, obras ningunha.
A realidade é que os dous únicos treitos dese corredor actualmente en funcionamento, a circunvalación de Ortigueira e o de Area a Xove, foron licitados polo Goberno Bipartito.
Agora, moción de censura por medio, o Consello da Xunta vén de anunciar que vai iniciar o proceso de información pública dunha parte da “variante” entre Area e Fontecova.
Mais sorpresa non está na falta dunha circunvalación completa de Viveiro, pois a pesares desta obra o tráfico do Ortegal seguirá pasando por diante da Porta de Carlos V, o máis significativo é que anuncian un treito de só 6,2 km cun tempo estimado de percorrido de 6,22 minutos. É dicir, a velocidade media nesa “variante” será de 59,81 km/h.
Namentres Viveiro ten este tratamento pola Xunta do PP vemos como se anunciaron recentemente actuacións en autovías en Sarria, de Santiago a Brión ou na Costa da Morte. E neste tempo que vai dende o primeiro anuncio do PP sobre o corredor na Mariña, no ano 2000, a mesma Xunta fixo a autovía do Morrazo, de Ferrol-As Pontes- Vilalba, a de Ourense a Celanova, do Salnés, do Barbanza e a do Baixo Miño.
Pola contra, na Mariña, en Viveiro, van pasando os anos vivindo de promesas e tócanos dicir que “chove, dámoslle a alcaldía ao PP, cando en realidade mexan por nós”.
Fica claro que só unha resposta democrática, cando toque votar, mais tamén un amplo e permanente proceso mobilizador pode sacar á Mariña e a Viveiro deste “día da marmota” no que os anos van pasando e os avances non existen, nin en infraestruturas pero tampouco na sanidade pública.
Fernando Branco Parga
Veciño de Covas
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
