Compostela, 29 de abril, 2026. Nunha recente xuntanza do Comité Executivo da Enerxía, o director xeral de Planificación Enerxética e Minas, Pablo Fernández Vila, informou sobre o estado dos traballos para a elaboración do novo Plano Sectorial Eólico de Galicia (PSEG), que será sometido ao procedemento de Avaliación Ambiental Estratéxica (AAE). O responsable autonómico sinalou que o PSEG vixente, aprobado en 1997, está superado e destacou a necesidade de que o novo documento reflicta o “potencial eólico real de Galicia”, promova un uso eficiente dos recursos e garanta “seguridade xurídica” ao sector.
Fernández Vila presentou un documento coas fases de tramitación do PSEG e cos criterios de valoración que permitirán elaborar o mapa base, obxectivo da primeira fase. Nela, as capas de afeccións ambientais superpoñeranse ao mapa de recurso eólico para determinar as zonas excluídas e as zonas aptas. As persoas integrantes do comité poderán realizar achegas ao documento nun prazo de dúas semanas.
Participación pública limitada
Preguntado sobre a apertura dun período de consultas previas para a elaboración do mapa base, o director xeral indicou que non está previsto. A participación nesta fase inicial limitarase ás mesas de traballo internas da administración e aos períodos regrados de consulta pública que se abrirán unha vez iniciado o procedemento de AAE.
Desde ADEGA sinalan que esta ausencia de participación aberta supón un déficit de partida e anuncian a presentación de alegacións para reclamar un procedemento de consulta cidadá antes do inicio formal da AAE.
Un proceso que non rematará nesta lexislatura
Segundo a planificación exposta pola Xunta, a tramitación do novo PSEG precisará un mínimo de 26 meses, polo que non se aprobará na lexislatura actual. Isto implica que os novos proxectos que se presenten durante a elaboración do plano continuarán a tramitarse baixo o PSEG vixente e as modificacións introducidas na Lei eólica 8/2009.
ADEGA lembra que leva anos reclamando un novo PSEG sometido a avaliación ambiental e considera que a súa tramitación debería ir acompañada dunha moratoria para novas instalacións, como ocorre noutros instrumentos de ordenación territorial.
Criterios iniciais e críticas de ADEGA
Para o deseño do mapa base, a Xunta presentou unha listaxe de factores ambientais e indicadores que determinarán a idoneidade dos territorios para acoller instalacións eólicas. ADEGA considera que estes criterios son incompletos e pouco rigorosos, e anuncia que solicitará a súa revisión e adaptación á realidade galega.
A organización ecoloxista tamén avanzou que achegará as súas propostas actualizadas de áreas de exclusión —xa remitidas en 2022 á Xunta e ao Ministerio— e reiterará a petición dunha moratoria mentres se tramita o novo PSEG.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
