Foz, 30 de abril de 2026. O Concello de Foz e a Xefatura Provincial de Tráfico de Lugo renovan as instalacións do Centro de Exames da Mariña. Anúnciao o alcalde focego, Fran Cajoto, que ademais explica: “vinte ordenadores táctiles substituirán ao exame en papel e as pistas de destrezas trasládanse ao parque empresarial de Fazouro, nunha transformación que afecta a todas as autoescolas da comarca”.
O rexedor municipal informa tamén do avance dos traballos na aula de exames teóricos: “agora mesmo os instaladores eléctricos están traballando na disposición de todo o cableado, despois dos traballos de pintado do local e instalación de novas mesas. O investimento total nesta aula, sufragada polo Concello, ascende a máis de 24.000 euros, correspondendo 2.500 euros ás novas mesas e 21.000 euros ás instalacións e novos equipos informáticos. En canto os ordenadores estean instalados, a Dirección Xeral de Tráfico vai mudar o exame en papel polas novas probas dixitais xa implantadas noutros puntos, o cal suporá un avance moi significativo para todas e todos os alumnos”.
En canto ás pistas de destreza, Cajoto anuncia que se trasladarán de Marzán ao parque empresarial de Fazouro porque “a Xefatura Provincial de Tráfico emitiu un informe técnico segundo o cal se suspenden as probas en circuíto cerrado nas instalacións de Marzán para motos e vehículos pesados, ao presentar deficiencias de difícil solución técnica como a pendente das pistas ou a presencia de muros ou edificios próximos. Este mesmo xoves unha empresa de sinalización está a delimitar as novas pistas, situadas no parque empresarial de Fazouro. Estes traballos de pintado son sufragados polas autoescolas da Mariña e prevese que as novas pistas de destreza estean xa operativas para os exames de motos e pesados do mes de maio, programados para o día 21”.
O alcalde de Foz e do Xefe Provincial de Tráfico de Lugo, Alberto Rodríguez, destacan que “ningunha destas melloras terían sido posibles sen o entendemento entre os que teñen que tomar decisións e os que as viven desde dentro. Traballamos de forma coordinada para facer realidade esta transformación, co respaldo activo dos representantes das autoescolas da Mariña, que coñecen mellor que ninguén as necesidades reais do sector e das persoas que o forman”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
