A sesión será ás 19.30 horas na Casa Consistorial
Viveiro, 5 de maio de 2026. O pleno ordinario de maio do Concello de Viveiro celebrarase o mércores 6 de maio, ás 19.30 horas, no Salón de Sesións da Casa Consistorial. Na orde do día figuran temas de carácter organizativo, social e administrativo, así como varias mocións presentadas polos grupos municipais.
Carmen Mariño Caneiro tomará posesión do cargo de concelleira. A sesión abordará tamén varios expedientes de cambio de titularidade ou renovacións de concesións no cemiterio municipal, así como a proposta de convenio de colaboración entre o Consorcio Galego de Servizos de Igualdade e Benestar e o Concello de Viveiro para o desenvolvemento do programa Xantar na Casa no municipio, e un convenio co CIUG.
Na parte declarativa do pleno incluiranse tres mocións: unha do Grupo Municipal do Partido Popular para a Praza de Abastos, outra do Grupo Municipal Socialista para a concesión da Medalla de Ouro do Concello de Viveiro á Semana Santa de Viveiro e unha terceira do Grupo Municipal do BNG para o acondicionamento da área recreativa de Portochao.
Na parte de control, darase conta das resolucións da Alcaldía, do informe resumo anual sobre o control interno, do informe de información económica, estabilidade orzamentaria, período medio de pago e morosidade correspondente ao primeiro trimestre de 2026, así como do informe previsto no artigo 218 do texto refundido da Lei reguladora das facendas locais. A sesión rematará coa quenda de rogos e preguntas.
A documentación correspondente aos asuntos incluídos na orde do día atópase á disposición dos membros da corporación na Secretaría Municipal e nos expedientes administrativos habilitados para a sesión.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
