Foz, 8 de maio de 2026. O Concello de Foz inicia o expediente para a declaración de Festa de Interese Turístico de Galicia para as festas do Carme da vila.
A concelleira de Cultura, Inés López Couto, explica que “as festas do Carme de Foz son, con diferenza, as que teñen unha maior emoción e sentimento para os veciños da vila. Os festexos que teñen o seu día grande o 16 de xullo son a celebración máis representativa do amor ao mar que se profesa na vila”.
Inés López Couto considera que “as festas do Carme recollen os requisitos necesarios para este nomeamento. Teñen unha longa historia en Foz, un arraigo na poboación sobradamente coñecido, xa que a implicación en cada un dos actos que se realiza é total; unha enorme singularidade xa que unha virxe tan bonita e cunha imaxe tan grande non sae en procesión marítima, sae nun percorrido de varios quilómetros polas rúas do pobo a hombros. E, sobre todo, teñen un enorme valor cultural pola realización das alfombras, entre outros elementos representativos. Todo isto fai que milleiros de visitantes se acheguen a Foz e non só compartan a festa senón que tamén axuden nas alfombras ou queiran participar dos actos relixiosos”.
O alcalde de Foz, Fran Cajoto, engade: “comezamos este traballo conscientes do merecemento desta festa, do traballo enorme dos veciños porque cada ano sexa máis bonita ca o anterior. É tamén unha forma de agradecer o traballo de todos os que participan dela, da Cofradía Mar de Foz, das comisións de festas que ao longo dos anos se encargaron da súa organización, dos alfombristas e de todos os colaboradores que fan que sexa posible”.
O concelleiro de Alumeado Público, Ángel Fernández Neira, anuncia: “a inauguración do mural do edificio de Telefónica é a primeira pedra coa que queremos homenaxear a tradición mariñeira, xunto á labrega, deste municipio. Para o que tamén iluminaremos as letras de Foz coas cores da bandeira do noso pobo”.
E a edil de Cultura finaliza: “un amor ao mar que nos une e co que comezaremos a traballar para que nos vindeiros meses esta declaración sexa posible”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
