Burela, 9 de maio, 2026. Loita pola penúltima praza da táboa entre dous rivais directos que se enfrontaron ás 12.30 h desta mañá na Bombonera, onde o Reyco Burela logrou conservar a posición tras un encontro moi competido e equilibrado.
As locais comezaron con forza, executando o primeiro ataque e adiantándose no minuto 3 cun disparo de Laura Barranco, que tocou nunha xogadora do Chiloeches e sorprendeu á gardameta visitante. Con todo, a resposta das castelás foi inmediata: Virginia empatou un minuto despois tras recibir un saque de banda e aproveitar un desaxuste defensivo.
No minuto 9, Noelia de las Heras tivo unha ocasión clara que salvou Lari, e acto seguido Irene evitou o segundo tanto de Virginia. Na xogada posterior, o colexiado sinalou un penalti moi protestado sobre Marina, que Ju Delgado enviou ao pau. No mesmo minuto, Ana Eliza realizou un paradón ante un disparo de Virginia nunha contra perigosa.
O Chiloeches adiantouse no 12 cun tiro frontal dende oito metros que golpeou nos dous paus antes de entrar. A reacción laranxa foi inmediata: Macarena empatou no mesmo minuto cun remate entre as pernas da porteira tras un gran pase longo de Irene. Só un minuto despois, a internacional sub-19 Macarena repetiu, esta vez desde medio campo, aproveitando un mal pase da gardameta visitante para marcar a portería baleira.
Xa na segunda metade, Ju Delgado estrelou outro balón no pau no minuto 2, e Blanca rozou o gol dous minutos despois cun disparo raso desde fóra da área. No 25, Lara asinou o cuarto tanto a portería baleira tras unha excelente asistencia de Irene.
O Chiloeches apostou polo xogo de cinco con Virginia como porteira-xogadora. A capitá visitante recortou distancias no 35 tras roubar en media pista e combinar con Ju Delgado. A dous minutos do final, Lara tivo o quinto nunha contra, pero enviou o balón por riba do traveseiro. No 39, Nekane empatou cun disparo moi longo que tocou en Laura Barranco, despistando a Ana Eliza e entrando na portería local.
A gardameta brasileira aínda deixou unha última intervención decisiva a 50 segundos do final, detendo un potente disparo desde a área.
Ficha Técnica Reyco Burela FS 4-4 CD Chiloeches
Reyco Burela FS (4): Ana Eliza; Laura Barranco, Sandra, Macarena, Irene -quinteto inicial-, Cris Blanco, Lara, Gabi, Silvia Rubal (C), Sydorenko, Lari, Marina.
CD Chiloeches (4): Sandra; Ju Delgado, Lucía López, Noelia de las Heras (C), Virginia –quinteto inicial-, Blanca, Rocío, Nekane, Daniela, Eli, Nora.
Goles: 1-0, min. 3: Laura Barranco. 1-1, min.4: Virginia. 1-2, min. 12: Eli. 2-2, min. 12: Macarena. 3-2, min. 13: Irene. 4-2, min. 25: Lara. 4-3, min. 35: Noelia de las Heras. 4-4, min. 39: Nekane.
Árbitros: Tania María Penabad // Borja Darriba // María López. Por parte del Burela vieron la tarjeta amarilla Irene (29’) y Lara (39’). Por parte del Chiloeches, Nekane (7’) y Ju Delgado (37’).
Incidencias: Partido correspondente á xornada 27 de 1ª División Iberdrola FS disputado no pavillón municipal Vista Alegre de Burela. Celebrouse un acto previo no que se fixo entrega dun obsequio ás xogadoras do Burela FS, Irene e Lola Muñoz pola súa participación coa Selección Española Sub19 e a Martina López pola súa participación coa Selección Gallega Sub10. Entregaron os obsequios a tesoureira da entidade laranxa, Yolanda Álvarez e o vogal e coordinador do equipo feminino, Marcelino Luna.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
