Burela, 16 de maio, 2026. O Reyco Burela FS pechou a tempada en Segunda División masculina cunha derrota pola mínima (2-3) ante o Heredia 21 Málaga Ciudad Redonda FS, nun encontro no que a canteira laranxa asumiu un papel protagonista. Na segunda metade, Xosé debutou co primeiro equipo defendendo a portería con moita solvencia, mentres que Walter gozou de minutos no primeiro período. Tamén Pedro, no seu primeiro partido coa escuadra mariñá, estivo a piques de estrearse como goleador cun remate ao traveseiro tras unha asistencia de Pitero.
No plano competitivo, o conxunto malagueño —que se xogaba manter a cuarta praza— adiantouse con dous tantos de Fernando e Davilillo na primeira metade. Nico, outro dos canteiráns burelenses, recortou distancias a dous minutos do descanso tras aproveitar un balón morto para encarar a Mellado e definir con precisión.
Na reanudación, Bingyoba estableceu o 2-2, pero Pablo Guti devolveu a vantaxe aos visitantes a oito minutos do final. O Burela buscou o empate con insistencia, especialmente a través do xogo de cinco, xerando múltiples ocasións. A máis clara chegou nos pés de Pedro, cuxo disparo se estrelou no pau e botou practicamente sobre a liña. Finalmente, o marcador non se moveu e os mariñáns tiveron que conformarse cunha derrota pola mínima que, iso si, deixa boas sensacións polo rendemento da súa base.
Ficha técnica
Reyco Burela FS 2–3 Heredia 21 Málaga Ciudad Redonda FS
Reyco Burela FS (2):
Lautaro; Pitero (C), Charly, Raid, Izan —quinteto inicial—; Alán, Mauro, Alberto, Nico, Bingyoba, Walter, Xosé (P), Pedro.
Heredia 21 Málaga CR (3):
Álvaro Mellado; Diego Tosina, Nando Torres, Campano, Pabli —quinteto inicial—; Miguel Conde (C), Davilillo, Rafa López, Fernando, Pablo Guti, Ale Fuentes (P), Carlos Romero.
Goles:
0-1, min. 13: Fernando.
0-2, min. 13: Davilillo.
1-2, min. 18: Nico.
2-2, min. 31: Bingyoba.
2-3, min. 34: Pablo Guti.
Árbitros: Ander Garrido, Eduardo Sierra, Adrián Buján e Andrea González.
Tarxetas amarelas: Raid (2’), Izan (9’), Mauro (28’) e Bingyoba (29’) no Burela. Sen tarxetas no Málaga.
Incidencias: Partido da xornada 30 de Segunda División Masculina disputado no pavillón Vista Alegre (Burela).
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
