Madrid, 19 de maio, 2026. Ante a información difundida polo senador do PSOE, César Mogo, en relación co debate celebrado onte na Comisión de Transportes e Mobilidade Sostible do Senado, o PP realiza varias aclaracións “para evitar interpretacións falsas ou interesadas da realidade”.
A Comisión reuniuse onte, luns, para debater seis mocións, das cales cinco foron aprobadas. Entre elas figuraba a iniciativa presentada polo Grupo Parlamentario Popular para reclamar a instalación urxente dun sistema de balizamento láser co obxectivo de mellorar a seguridade viaria en condicións de visibilidade reducida no tramo da Autovía do Cantábrico (A-8) ao seu paso por O Fiouco (Lugo).
A moción foi aprobada con 18 votos a favor (Grupo Popular e BNG) e 10 abstencións (PSOE e PNV).
Polo tanto, é rotundamente falso afirmar que “o Partido Popular rexeitou no Senado a instalación da baliza láser no Fiouco”. O certo é exactamente o contrario: o acordo aprobado insta expresamente ao Goberno de España a:
Instalar de forma inmediata e urxente o sistema de balizamento láser, por ser a tecnoloxía innovadora testada para mellorar a seguridade viaria en condicións de visibilidade reducida no tramo de O Fiouco da A-8.
Ampliar a zona de balizas antinéboa, compatibles co sistema láser, para guiar aos condutores en episodios de meteoroloxía adversa.
Reforzar os sistemas de control e análise das condicións meteorolóxicas na A-8, incrementando a capacidade de detectar bancos de néboa especialmente intensos.
Estudar todas as medidas necesarias para garantir a circulación segura, incluíndo o peche temporal cando sexa preciso e a habilitación dun itinerario alternativo en condicións óptimas. Isto inclúe arranxar e adecuar a N-634, prolongando o terceiro carril ata a rotonda de enlace coa A-8 no Alto da Xesta.
“Resulta especialmente rechamante que o Grupo Socialista optase pola abstención e, posteriormente, difundise unha versión dos feitos que non se corresponde co acordado oficialmente na Comisión”, afirma o PP.
“Comprendemos que o senador socialista poida ter dificultades para explicar por que o Goberno de España leva máis de tres anos sen executar unha solución técnica amplamente demandada por veciños, transportistas e usuarios desta vía. Pero iso non xustifica unha interpretación interesada do resultado da votación nin unha tentativa de confundir á opinión pública”.
Desde o Grupo Parlamentario Popular “pedimos respecto á verdade, ás institucións e aos veciños da comarca e da provincia de Lugo, que levan demasiado tempo reclamando solucións eficaces para mellorar a seguridade nun dos puntos máis problemáticos da A-8”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
