Un novo letreiro dá visibilidade ao nome de Cariño e impulsa o seu turismo

A alcaldesa, Ana María López, destaca que “queremos que quienes nos visiten se lleven una fotografía, pero sobre todo una experiencia y un recuerdo de lo que significa Cariño”

Cariño, 19 de maio, 2026. O Concello de Cariño inaugurou o pasado domingo, 17 de maio, coincidindo coa celebración do Día das Letras Galegas, un novo letreiro co nome do municipio situado fronte á Casa do Concello. Moito máis que seis letras, esta nova instalación representa o orgullo, a memoria e o sentimento de pertenza de todo un pobo.

A inauguración, marcada polo emotivo son da gaita, reuniu a veciños e veciñas nun acto cargado de simbolismo e emoción, no que se puxo en valor o significado profundo que encerra o nome de Cariño. Un nome que identifica xeracións enteiras e que forma parte da esencia colectiva do municipio.

“Cariño es recuerdo y sentimiento, es orgullo de pueblo y de nuestras raíces. Estas letras representan todo aquello que somos y que queremos seguir transmitiendo a quienes vienen detrás de nosotros”, sinalou a alcaldesa, Ana María López.

O novo letreiro nace tamén coa vocación de converterse nun atractivo turístico e nun novo punto de referencia para veciños e visitantes. Desde o Concello espérase que esta instalación contribúa a promocionar a imaxe de Cariño e a reforzar o vínculo emocional que moitas persoas senten coa localidade.

“Queremos que quienes nos visiten se lleven una fotografía, pero sobre todo una experiencia y un recuerdo de lo que significa Cariño: hospitalidad, identidad y amor por nuestra tierra. Estas letras serán una ventana abierta al mundo para mostrar el orgullo que sentimos de ser de aquí”, engadiu a rexedora.

O Concello destaca ademais que esta iniciativa pretende poñer en valor a identidade local e render homenaxe a todas aquelas xeracións que ensinaron a amar, coidar e defender esta terra, mantendo vivo o legado e o sentir máis profundo do pobo.