Os deputados populares afirman que PSOE e BNG non poden seguir mantendo a Tomé na Deputación e na alcaldía de Monforte e “teñen a obriga de poñerse do lado do feminismo e das mulleres afectadas”
Lugo, 21 de maio de 2026. Os deputados do Grupo Provincial do Partido Popular esixen á presidenta da Deputación, Carmela López, explicacións urxentes e tome medidas inmediatas en relación á situación de José Tomé, investigado por un presunto delito de acoso sexual.
A situación “xa era grave” pero agora tras coñecer a ratificación da denuncia por parte da muller que sufriu o suposto acoso por parte de José Tomé e que podería haber dúas denunciantes máis, “confírmase a gravidade dunha situación que non admite máis demoras nin silencios cómplices por parte do goberno provincial de PSOE e BNG”.
“Ata cando pensa seguir sen facer nada Carmela López?”, preguntan os populares, censurando a “pasividade absoluta” da presidenta da Deputación á hora de manter a José Tomé na institución provincial, ao tempo que o PSOE o sostén como alcalde de Monforte de Lemos.
Os deputados populares amosan a súa “fonda preocupación” pola imaxe que se está a transmitir da Deputación de Lugo, onde se mantén o sillón e o soldo a un presunto acosador sexual, “o que está a manchar notablemente á institución e á provincia”.
Para os populares é “intolerable” que o PSOE e Carmela López “sigan a amparar” a esta persoa, “empregando para iso a Deputación de Lugo e o Concello de Monforte como escudo” para protexer a unha persoa sobre a que pesan acusacións tan graves.
Desde o Grupo Provincial Popular instan a Carmela López a actuar de inmediato, a poñerse do lado do feminismo e das mulleres afectadas e “apartar a José Tomé de calquera responsabilidade e representación institucional de xeito fulminante”. “O silencio xa non é unha opción; cada día que pasa sen tomar decisións, a presidenta da Deputación convértese en cómplice política desta situación”, conclúen.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
