Burela, 23 de maio de 2026. A alcaldesa de Burela, Carmela López, lamentou as declaracións realizadas polo delegado territorial da Xunta en Lugo, Javier Arias, nas que atribuía ao Concello unha suposta falta de mantemento no CEIP Vista Alegre.
López considera “profundamente inxusto” responsabilizar ao Concello do estado dun edificio con máis de 40 anos de antigüidade cando o propio centro educativo, a ANPA, o Consello Escolar e a comunidade educativa levan anos reclamando actuacións estruturais á Xunta de Galicia.
“O Concello leva anos facendo o mantemento que lle corresponde e asumindo os custos derivados desas actuacións: reparacións puntuais, cambios de ubicación de aulas, adaptacións e actuacións na instalación eléctrica para poder realizalos, traballos de fontanaría, pintura, conservación, avarías e incidencias do día a día. Incluso asumindo en moitas ocasións gastos e reposicións de elementos que exceden claramente o mantemento ordinario, co único obxectivo de que o centro poida seguir funcionando nas mellores condicións posibles”, afirmou.
A alcaldesa puxo en valor tamén o traballo desenvolvido desde a Concellería de Obras e polos servizos municipais, coordinados por Ramiro Fernández, así como a implicación diaria do persoal do propio centro educativo, que leva anos esforzándose por manter o colexio nas mellores condicións posibles pese ás deficiencias existentes.
Neste sentido, considera “inxusto” cuestionar o traballo de mantemento realizado cando hai profesionais que se preocupan cada día porque o centro funcione e estea nas mellores condicións posibles.
Neste sentido, lembra que a propia memoria elaborada pola comunidade educativa expón con claridade, fotografías e exemplos concretos as actuacións estruturais e de investimento que se lle están reclamando á Xunta de Galicia, do mesmo xeito que cando existen incidencias de mantemento ordinario son trasladadas ao Concello para a súa reparación e conservación diaria.
Carmela López insiste en que “non se pode intentar simplificar unha situación complexa dicindo que todo se resolve con mantemento”, xa que as reclamacións existentes fan referencia a humidades recorrentes, instalación eléctrica obsoleta, problemas de accesibilidade, filtracións, deterioro da carpintería, peches exteriores ou eficiencia enerxética.
“Isto non vai de cambiar unha billa ou pintar unha parede. Vai de afrontar investimentos reais nun centro educativo que leva décadas precisando actuacións estruturais”, sinalou.
Desde o Concello lembran ademais que forman parte do Consello Escolar e que comparten coa comunidade educativa a preocupación pola situación do centro e a necesidade dunha planificación integral das actuacións necesarias.
“O fácil sería intentar buscar culpables ou reducir todo a unha cuestión de mantemento municipal. O responsable é asumir a realidade do centro e traballar entre administracións para darlle solución”, engadiu a alcaldesa.
O Concello de Burela reitera que continuará realizando todas as tarefas de mantemento que lle corresponden, pero pide á Xunta de Galicia “menos intentos de desviar responsabilidades e máis compromiso co CEIP Vista Alegre e coa educación pública”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
