Cervo, 27 de maio, 2026. O Concello de Cervo, ABANCA e Afundación, a Obra Social de ABANCA, veñen de asinar un convenio para organizar conxuntamente a exposición «Arte e humor. O enxeño de Antonio Mingote». O acto de sinatura tivo lugar no Concello de Cervo e contou coa presenza da alcaldesa, Dolores García Caramés; do coordinador institucional de ABANCA en Lugo, Carlos Teijeiro Pita; e da coordinadora institucional de Afundación en Ourense e Lugo, Beatriz Fernández-Anguiano.
A mostra poderá visitarse do 4 de xuño ao 10 de xullo na Sala de Exposicións da Casa da Cultura de Cervo. No mes de xuño abrirá de luns a xoves, de 9:00 a 14:00 e de 16:00 a 19:00 h; e en xullo, de luns a venres, de 9:00 a 14:00 h.
A exposición «Arte e humor. O enxeño de Antonio Mingote»
A mostra propón un percorrido pola mirada lúcida e irónica dun dos grandes mestres do humor gráfico español. A través de debuxos, viñetas e reflexións visuais, Mingote retrata con elegancia e sátira a sociedade do seu tempo.
A súa traxectoria profesional foi extensa e recoñecida. Publicou o seu primeiro debuxo con só 13 anos e colaborou en medios como La Codorniz, ABC, The New York Times, The Daily Telegraph, Blanco y Negro, Semana, Ínsula ou Interviú. Ademais de debuxante, foi xornalista e novelista, con máis de corenta obras publicadas e participación en teatro, cine e televisión. Entre os seus numerosos recoñecementos destacan o seu ingreso na Real Academia Española, a Cruz de Caballero da Orde de Isabel a Católica, o Premio Nacional de Xornalismo ou a Medalla de Ouro ao Mérito no Traballo.
Esta colaboración enmárcase no proxecto «Corrente cultural», co que Afundación impulsa a difusión da arte en Galicia, levando propostas culturais ás vilas e ampliando a oferta máis alá das súas sedes principais.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
