O obxectivo é reforzar a infraestrutura destinada a sacar tráfico pesado do núcleo urbano e canalizar por fóra do centro os movementos vinculados a Porto Celeiro e á actividade madeireira
Viveiro, 28 de maio de 2026. O Concello de Viveiro está a traballar na presentación de alegacións ao estudo informativo e de impacto ambiental das variantes leste e oeste de Viveiro, que actualmente se atopa en fase de información pública (de trinta días hábiles a partir da publicación no DOG do 30 de abril). O obxectivo é mellorar o proxecto e adaptalo mellor ás necesidades reais do municipio.
Desde o goberno local valórase de maneira positiva que a tramitación da variante avance e que o proxecto se atope xa en exposición pública, ao entender que se trata dunha infraestrutura clave para o futuro de Viveiro. Neste sentido, o Concello realizou os estudos técnicos oportunos para formular unha serie de propostas de mellora sobre a alternativa que considera máis axeitada.
Desde o Concello sublíñase, ademais, que o desenvolvemento conxunto das alternativas 5 e 4 permitiría dotar a Viveiro dunha variante completa, que conectaría a LU-862 ao oeste co corredor CG-2.3 ao leste do núcleo urbano. O obxectivo final é avanzar cara a unha solución que contribúa a retirar tráfico pesado do centro da vila e que os movementos de mercadorías, tanto os vinculados a Porto Celeiro como os relacionados coa actividade madeireira, poidan canalizarse por fóra da trama urbana.
Entre as melloras que o Concello proporá figura a modificación do semienlace Viveiro Este, na conexión coa LU-862 en Celeiro, para facilitar a dobre circulación e permitir a incorporación á variante en sentido oeste e leste. E estudar a posibilidade de habilitar una rotonda.
Outro dos puntos que o Concello considera necesario revisar é o enlace Viveiro Centro. A proposta actual sitúa esa conexión nunha rúa unidireccional, polo que a administración local formulará o seu traslado á intersección da variante coa estrada provincial de subida ao Monte San Roque, na súa faldra, co fin de lograr unha conexión máis axeitada coa zona leste do núcleo e facilitar tamén o tránsito de vehículos pesados ligados á actividade forestal.
As alegacións municipais inclúen igualmente a incorporación da rotonda de conexión coa LU-540, prevista noutra das alternativas estudadas; a posibilidade de suplementar con carrís adicionais de tráfico lento as zonas de maior pendente; a avaliación dunha redución do radio dalgunhas curvas para facer máis idóneo o trazado e incrementar a velocidade de tránsito; e a valoración da execución de dúas novas pontes para salvar os cruzamentos dos regos de Silvoso e da Trasposta, co fin de minimizar o impacto e conservar os valores naturais destes cursos fluviais.
A alcaldesa Mariña Gueimunde destacou que «o importante é que Viveiro poida contar cunha variante útil, ben conectada e pensada para resolver os problemas reais de mobilidade do municipio». A rexedora engadiu que «o Concello está a facer un traballo serio e rigoroso para presentar propostas que melloren o proxecto e que permitan avanzar cara a unha solución que contribúa a sacar tráfico pesado do núcleo urbano e mellore as conexións desde o punto de vista económico, loxístico e veciñal».
Desde o Concello insístese en que este período de información pública brinda unha oportunidade para perfeccionar o proxecto e contribuír a que a futura variante responda da mellor maneira posible aos intereses xerais de Viveiro.
Por este motivo, o goberno local convocará para o vindeiro martes 2 de xuño unha xunta de voceiros para debater e recoller suxestións compatibles tecnicamente coas posibilidades orográficas da zona e, así, consensuar entre todos as alegacións ao proxecto.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
