Cervo, maio do 2026. O Pavillón do CEIP Cervo acolleu este venres o acto de clausura das Escolas Deportivas Municipais Infantís, nunha xornada chea de emoción, convivencia e recoñecemento ao esforzo realizado polos nenos e nenas ao longo de toda a tempada.
O evento reuniu ás familias, monitores e participantes das distintas disciplinas deportivas municipais, que gozaron dunha tarde moi especial con exhibicións de ximnasia rítmica e patinaxe artística, nas que os pequenos e pequenas demostraron todo o aprendido durante o curso.
Durante o acto tamén se realizou a entrega de diplomas e dun agasallo conmemorativo para todos os nenos e nenas participantes nas Escolas Deportivas Municipais, nas disciplinas de ximnasia rítmica, patinaxe artística, voleibol, multideporte e balonmán.
Remata así un curso no que participaron preto de 200 pequenos e pequenas, consolidando o crecemento e a boa acollida dun programa deportivo que continúa fomentando hábitos saudables, compañeirismo e valores fundamentais a través do deporte.
A alcaldesa, Dolores García Caramés, destacou durante o acto “o importante crecemento que experimentaron as Escolas Deportivas Municipais nos últimos anos, converténdose nun referente para moitas familias do municipio”. Ademais, quixo agradecer “o gran traballo e implicación dos monitores e monitoras, así como o apoio constante das familias, fundamentais para que os nenos e nenas desfruten do deporte nun ambiente educativo e saudable”.
A rexedora tamén puxo en valor “os múltiples beneficios que aporta o deporte na infancia, non só a nivel físico, senón tamén no desenvolvemento persoal, na aprendizaxe de valores como o respecto, o esforzo, o traballo en equipo e a convivencia”.
O Concello agradeceu a participación de todas as familias e felicita aos nenos e nenas por unha magnífica tempada deportiva.
Na entrega de diplomas e agasallos participaron ademais da alcaldesa Dolores García Caramés, os edís Adrián Arias e Alfredo Fernández.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
