Nota de prensa
O BNG QUERE SABER CANTO LLES CUSTAN AOS VECIÑOS OS TELÉFONOS MÓBILES DO GRUPO DE GOBERNO E QUEN PARTICIPA NOS XANTARES REGADOS CON VIÑO DE RESERVA
Os nacionalistas esixen explicacións sobre dúas facturas de xantares por importe de 715 euros
Mentres o grupo de goberno come e bebe a facenda pública sigue sen asumir o pago de facturas de provedores de bens e servizos.
Cervo, 28 de decembro de 2010. O BNG esixiu ao alcalde explicacións sobre dúas facturas correspondentes a dúas comidas regadas con viño de reserva a 50 e 22 euros as botella que suman un importe total de 715 euros, os nacionalistas advirten que non se trata de comidas con moitos participantes e queren saber quen e como xustifica o goberno local que nunha situación de crise económica como a actual haxa quen se permite o luxo de facturar a nome do concello tal gasto. Para o BNG cervense non se pode permitir este malgasto e moito menos habendo provedores de bens e servizos que reclaman o pago de facturas que nalgún caso veñen atrasándose dende o ano 2009.
Quen participa e como se xustifica que en só dúas comidas de poucos comensais se faga un gasto de 715 euros.
Os nacionalistas pedirán explicacións ao alcalde pola facturación a conta do concello de dúas facturas por un importe total de 715 euros regadas ambas con viños de reserva e con menús “nos que hai de todo menos o prato do día”. Para o BNG non se pode permitir o abuso do cargo exercido polo goberno local “permitíndose sibaritismos a cargo das arcas públicas que non sabemos si o fan cando sae da súa carteira “, “si lles gusta comer e beber ben que o paguen dos seus petos, non do dos veciños e veciñas deste concello”, espetou o portavoz municipal nacionalista Xoán Estúa. Para Estúa non e propio de gobernantes responsábeis malgastar deste xeito os cartos que son de todos e compre dar explicacións. Neste sentido pedirá coñecer quen participou destes dous xantares e como xustifica o goberno a necesidade deste gasto.
Canto facturan os teléfonos móbiles do grupo de goberno e como se controla o uso responsábel destes aparellos.
O BNG presentará unha batería de preguntas para coñecer que membros do grupo de goberno contan con aparellos de telefonía móbil a cargo da facenda local e canto gasto lle supoñen ás arcas públicas. Os nacionalistas fixeron fincapé en que “o control do gasto debe ser estrito na situación actual e hai maneiras de exercelo”. Para o portavoz municipal, Xoán Antón Estúa, “á vista da pouca contención que ten o goberno local noutras cousas, nisto debemos exercer o control que nos esixe o traballo de oposición”. Neste sentido anunciou a presentación dunha iniciativa para coñecer que membros da equipa de goberno dispoñen de teléfonos móbiles a cargo do concello e cal foi a súa facturación individualizada nos últimos cinco meses.
Mais de 176.000 euros en reclamacións por facturas atrasadas só no mes de decembro.
O BNG puxo en contraposición ao “sibaritismo do goberno local” a constante chegada de reclamacións por parte de provedores de bens e servizos para o cobro de facturas atrasadas. Estúa expuxo que “so no mes de decembro hai reclamacións por 176.000 euros, algunha delas con mais de ano e medio de antigüidade” e criticou que “mentres o grupo de goberno cobra puntualmente os seus salarios e come a conta das arcas públicas hai moitos outros que non teñen tanta sorte”,
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
