Os senadores do PP censuran que o Executivo ignore as reclamacións dos transportistas e profesionais da distribución e reparto
Lugo, 6 de xuño de 2026. Os senadores lucenses do Partido Popular denuncian o “fracaso” das axudas aprobadas polo Goberno de Pedro Sánchez para facer fronte ao incremento do prezo dos combustibles e censuran que o Executivo “ignore as reclamacións do sector, se negue a rectificar e non garanta o cobro das axudas comprometidas”.
José Manuel Barreiro, José Manuel Balseiro e Juan Serrano advirten de que a resposta oficial do Goberno ás preguntas formuladas polos representantes populares no Senado confirma que “non existe vontade de corrixir os erros dun sistema de axudas que deixa fóra a miles de profesionais e que segue sen chegar a moitos dos seus destinatarios”.
Os populares consideran especialmente grave a exclusión dos vehículos de menos de 7.500 quilos, entre eles as furgonetas empregadas polos profesionais da distribución e do reparto de mercadorías. “Falamos dun sector fundamental para a actividade económica e para o abastecemento da provincia, especialmente nos concellos rurais, que tamén sofre as consecuencias da escalada dos prezos dos carburantes e que, inexplicablemente, queda fóra das medidas aprobadas polo Goberno”, sinalan.
Ademais, lembran que moitos transportistas solicitantes e que cumprían os requisitos seguen sen percibir as axudas anunciadas polo Executivo. “O Goberno non só exclúe a unha parte importante do sector, senón que tampouco está a cumprir cos profesionais que si deberían estar cobrando. É un fracaso dobre: nin as axudas son suficientes nin están chegando a tempo”, afirman.
Os senadores do PP tamén critican que Sánchez rexeite a proposta defendida polo Partido Popular e polos propios profesionais do sector para vincular as axudas a unha porcentaxe do prezo ou do consumo de combustible, en lugar de establecer unha contía fixa por litro. “Nun contexto de forte volatilidade dos prezos, a fórmula elixida polo Goberno resulta claramente insuficiente e perde eficacia a medida que aumenta o custo dos carburantes”, explican.
Os representantes populares censuran “a falta de resposta do Goberno ás necesidades reais dos transportistas e dos profesionais da distribución e reparto” e consideran que a negativa a rectificar evidencia “unha preocupante desconexión coa realidade dun sector estratéxico para a economía e para a cohesión territorial”.
“O Executivo de Sánchez deseñou unhas axudas insuficientes, excluíntes e que, ademais, non están chegando aos seus destinatarios. Os profesionais seguen soportando en solitario o impacto da subida dos combustibles mentres o Goberno mira para outro lado”, conclúen.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
