Os nacionalistas critican que o PP abandone a variante prevista na VAC Costa Norte para promover unha estrada convencional que non resolverá os problemas de mobilidade e que enterrará definitivamente a posibilidade de que Viveiro conte no futuro cunha futura vía de altas prestacións que permita a súa conexión co resto do territorio
Viveiro, 9 de xuño, 2026. O BNG de Viveiro denuncia a teima do Partido Popular á fronte da Xunta de Galicia por incumprir a execución da variante de Viveiro, unha infraestrutura xa aprobada e integrada na VAC Costa Norte, e que agora o Goberno galego pretende reiniciar desde cero, retomando estudos e trámites realizados e validados hai dúas décadas polo Goberno bipartito PSOE–BNG.
A formación nacionalista considera inadmisible que a Xunta presente como un avance a autorización para redactar un novo proxecto construtivo, baseado nunha variante de baixas prestacións, cando o que realmente está a facer é desbotar unha solución xa definida, aprobada e preparada para continuar a súa tramitación.
“A Xunta do PP está a desviar a atención e a facer ver que actúa, pero a realidade é que está a desfacer o traballo realizado polo Goberno bipartito no ano 2006 e a reiniciar estudos que xa estaban aprobados”, afirma Iria Cotelo, portavoz do BNG de Viveiro. “En lugar de executar a variante aprobada, que permitía desviar o tráfico do centro urbano e conectar Viveiro cunha vía de alta capacidade, decide malgastar cartos públicos en repetir trámites para promover unha estrada convencional que non resolverá os problemas existentes”.
Cotelo lembra que a variante integrada na VAC Costa Norte contaba xa cos avances necesarios para a súa execución. O anuncio publicado no DOG nº 138, do 18 de xullo de 2006, recollía a solución acordada para Viveiro, impulsada polo Goberno bipartito. Ademais, a declaración de impacto ambiental fora modificada e publicada no DOG nº 110, do 9 de xuño de 2006, incorporando os subtramos Covas–Viveiro Sur e Viveiro Sur–Celeiro. É dicir, a solución estaba definida, avaliada ambientalmente e lista para continuar a súa tramitación.
Desde o BNG consideran especialmente grave que a Xunta anuncie supostos avances cando aínda permanece aberto o prazo para presentar alegacións ao novo estudo informativo. “Resulta contraditorio vender como feitos consumados uns pasos que aínda están sometidos á participación pública”, apuntan.
A formación nacionalista advirte tamén de que este non é só un retroceso polo malgasto de tempo e recursos públicos, senón tamén pola perda de calidade da infraestrutura prevista. “O PP non só renuncia a unha variante integrada nunha vía de altas prestacións, senón que a substitúe por unha estrada convencional que non resolverá os problemas de mobilidade actuais e que pode enterrar definitivamente a posibilidade de conectar Viveiro e a Mariña cunha infraestrutura acorde ás necesidades do século XXI”, denuncia Cotelo.
Por todo isto, o BNG de Viveiro esixe á Xunta de Galicia que deixe de incumprir os compromisos adquiridos e execute dunha vez a variante aprobada. “O que Viveiro necesita non son máis anuncios nin máis estudos para repetir un traballo que xa estaba feito. O que precisa é que a Xunta cumpra o que leva vinte anos aprobado e pendente de executar”, conclúe a portavoz nacionalista.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
