Adxudicadas ademais as obras de renovación do inicio da LU-P-6101, que é a estrada que conecta Trabadela e A Ría por Sante, unha estada na que a institución provincial leva investidos máis de 400.000€ para a súa completa rexeneración
Lugo, 12 de xuño de 2026. A Xunta de Goberno da Deputación de Lugo mobilizou este venres medio millón de euros para acondicionar catro estradas provinciais nos concellos de Burela, Rábade e Trabada. A este investimento súmanse preto de 90.000€ para a adquisición dunha máquina compactadora tándem, fundamental para o mantemento e reparación de vías. Así o informou a Voceira socialista do Goberno, Pilar García Porto, na rolda de prensa posterior á reunión semanal que tivo lugar no Pazo de San Marcos.
“A renovación da maquinaria do Parque Móbil e os proxectos de Trabada, Rábade e Burela forman parte do compromiso da Deputación de Lugo por modernizar a rede viaria provincial –a máis extensa de España con máis de 4.000 quilómetros de vías- e garantir así a igualdade de oportunidades entre veciños e veciñas, vivan onde vivan.”
Explicou que quedaron licitados dous proxectos: un en Burela para mellorar dous tramos de dúas vías provinciais ao seu paso polo municipio e outro en Rábade para acondicionar o inicio da vía que conecta este municipio con Friol. Concretamente, en Burela mellorarase o final da LU-P-1510, que é a estrada que conecta San Cibrao e Burela pola Marosa; e a LU-P-1502, que é a vía que vai de Burela a Ferreira do Valadouro.
No primeiro caso, as obras afectarán ao tramo desde o límite municipal coa Avenida da Mariña –desde o punto quilométrico 6,16 ao 9,3- e no segundo, desde a Casa da Garda Civil ata o cemiterio municipal, desde o inicio da vía ata o punto quilométrico 1,89. Os traballos contarán cun orzamento conxunto de 290.599,34€ para a reapertura e revestido das cunetas, pavimentación con aglomerado en quente e mellora da sinalización. O prazo de execución será de catro meses desde o inicio das obras.
No Concello de Rábade, a Deputación inviste 68.000€ para a mellora do tramo urbano da LU-P-5101, que conecta este municipio con Friol. Concretamente, o proxecto afecta aos primeiros 300 metros, desde o entronque coa N-VI ao longo de toda a rúa que dá servizo ao Cuartel da Garda Civil da localidade.
As obras neste caso consistirán no fresado da vía, pavimentación con aglomerado en quente e colocación dunha rigola xunto ás beirarrúas para mellorar a drenaxe e a evacuación das augas pluviais. Este proxecto terá tamén un prazo para executarse de catro meses.
Finalmente, no concello de Trabada a Deputación vén de adxudicar un proxecto para acondicionar o inicio da LU-P-6101, que é a estrada provincial que conecta Trabadela e A Ría por Sante. Unhas obras que servirán para acondicionar o treito que faltaba –desde o inicio da vía ao punto quilométrico 1,3- para a renovación completa desta vía, na que a Deputación leva investidos máis de 400.000€.
Neste último proxecto, Desarrollos y Metas SL será a empresa encargada de acometer os traballos por un importe de 135.670€. As obras terán un prazo de execución de 4 meses e inclúen apertura de cunetas, pavimentación con aglomerado en quente e reposición da sinalización.
Adxudicada unha máquina para o mantemento e reparación de vías
No que ten que ver coa mobilidade, a Xunta de Goberno adxudicou unha compactadora tándem para o Parque Móbil. Unha máquina que serve para a compactación de superficies e que é fundamental para o mantemento e reparación de vías, porque garante que o material estendido acade a densidade adecuada.
Resultou adxudicataria a empresa Alpimac Maquinaria, SL por un importe de 87.503,57€ e cun prazo de entrega de 18 días.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
