O senador popular lembra que cinco anos despois da parada das cubas de electrólise o Goberno aínda non autorizou os parques eólicos comprometidos para garantir a viabilidade da planta de San Cibrao
A Mariña, 18 de xuño de 2026. O senador do Partido Popular José Manuel Balseiro asegurou que resulta “cando menos sorprendente” que o PSOE pretenda presentar como un éxito a súa política industrial cando segue mantendo compromisos fundamentais pendentes cos traballadores de Alcoa e coa comarca da Mariña. Neste sentido, lembrou que xa pasaron cinco anos desde a parada das cubas de electrólise da fábrica de San Cibrao e xa se completou o proceso de rearranque e, a pesar diso, o Goberno de Pedro Sánchez continúa sen autorizar os parques eólicos comprometidos, unha infraestrutura clave para garantir a competitividade e a viabilidade futura da planta.
O senador popular tamén quixo aclarar que as axudas destinadas á construción do forno de ánodos en San Cibrao, cuxas características e alcance se coñeceron precisamente grazas a unha pregunta formulada polo Grupo Popular no Senado, están financiadas con fondos europeos e non con recursos propios do Executivo central. “Convén lembrar que estes fondos proceden da Unión Europea, onde o Partido Popular é a principal forza política e desempeña un papel determinante na definición das políticas industriais e de apoio á competitividade”, sinalou.
Balseiro considera que o verdadeiro apoio estratéxico á reindustrialización de Galicia non consiste en facer propaganda nin en apropiarse de fondos europeos, senón en cumprir todos os compromisos pendentes recollidos tanto no Memorando de Entendemento como no acordo de viabilidade asinados cos sindicatos e cos traballadores de Alcoa.
“Se o Goberno quere demostrar o seu compromiso coa industria electrointensiva, debe comezar por garantir un prezo eléctrico estable e competitivo, unha reclamación histórica do sector que aínda non foi resolta. Esa é a principal ferramenta para asegurar investimentos, manter o emprego e consolidar a actividade industrial en Galicia”, afirmou.
O senador popular lamentou que o Executivo socialista continúe acumulando incumprimentos mentres intenta atribuírse méritos que non lle corresponden. “O señor Mogo fala de apoio estratéxico á reindustrialización, pero a realidade é que os traballadores de Alcoa seguen agardando por compromisos que o Goberno aínda non cumpriu. O verdadeiro apoio á industria non se mide polas notas de prensa nin polos discursos triunfalistas, senón polos feitos”, subliñou.
“A mellor expresión do apoio á reindustrialización de Galicia sería cumprir integramente o Memorando de Entendemento e o acordo de viabilidade, empezando por garantir un prezo eléctrico estable e competitivo para a industria electrointensiva e desbloqueando todos os proxectos pendentes. Mentres iso non aconteza, o Goberno ten moito máis que facer que presumir”, concluíu.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
