Viveiro, 6 de xullo, 2026. O PSOE de Viveiro felicita, en primeiro lugar, á organización do Resurrection Fest polo extraordinario traballo que realiza ano tras ano para facer medrar un festival que xa é un orgullo para a vila.
O partido considera tamén necesario lembrar a historia do evento. Hai 21 anos non era doado apostar por este proxecto, pero Melchor Roel e o Concello de Viveiro souberon ver o seu potencial e apoiárono desde os seus inicios, nun momento no que apenas contaba con respaldo institucional. Durante os gobernos de María Loureiro, o festival consolidouse definitivamente como un referente internacional.
O PSOE de Viveiro quere recoñecer igualmente o comportamento exemplar da veciñanza. A súa paciencia, colaboración e espírito de convivencia fan posible que milleiros de persoas desfruten do Resurrection Fest mantendo a esencia da vila.
A formación lembra que a mobilidade e os aparcadoiros seguirán sendo un reto nas vindeiras edicións. Sempre o foron e será necesario continuar traballando para mellorar estes aspectos.
Finalmente, o PSOE de Viveiro fai unha reflexión sobre as declaracións da alcaldesa, que anunciou nos medios de comunicación medidas para “o próximo ano”, como o reforzo dos aparcadoiros. O partido subliña que antes haberá eleccións municipais e que serán os veciños e veciñas quen decidan co seu voto quen terá a responsabilidade de afrontar estes retos e organizar as futuras edicións do festival.
O Resurrection Fest é, para o PSOE de Viveiro, un éxito colectivo: da organización, das persoas que apostaron por el desde o primeiro día, do Concello de Viveiro —que hai 21 anos impulsou o proxecto da man de Melchor Roel—, das institucións que colaboraron no seu crecemento e, sobre todo, dun pobo que leva dúas décadas demostrando que Viveiro sabe acoller.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
