Lugo, 6 de xullo de 2025. O voceiro provincial popular, Antonio Ameijide, volveu a poñer o foco na política de contratacións que realizan o PSOE e o BNG dende o goberno provincial, cualificando de “fóra de toda ética” que sigan a destinar fondos públicos cara a empresas do contorno directo de altos cargos nacionalistas.
Ameijide explicou que detectamos un novo decreto, con data do 29 de maio, no que figura un gasto de 40.476€ destinados á “subscrición dixital e en papel ao xornal Nós Diario para diversos centros provinciais”.
O voceiro popular lembrou que este medio de comunicación está participado por empresas das que son accionistas destacados altos cargos do BNG, como a propia portavoz nacional, Ana Pontón, ou a deputada Olalla Rodil.
“Sempre escoitamos presumir aos representantes do BNG da súa suposta transparencia e honestidade, pero a realidade demostra que a súa ética queda totalmente cuestionada cando utilizan as institucións para beneficiar economicamente aos seus”, afirmou Ameijide.
Para Antonio Ameijide este novo contrato non é un feito illado, senón que forma parte dunha “práctica continuada e totalmente reprobable”. Así, vinculou este gasto en prensa institucional coa denuncia realizada hai uns meses dende o Grupo Provincial Popular respecto á contratación dunha produtora cinematográfica do contorno do BNG, por valor de máis de 40.000€, para emitir un filme en 112 centros de ensino de toda a provincia.
O voceiro popular insistiu en que aquela adxudicación tiña unha “clara estratexia de tentar orientar ideoloxicamente aos mozos da provincia con este tipo de emisións, unha postura que non se debería de permitir” dende unha administración pública.
Os deputados populares esixen ao goberno de PSOE e BNG que cesen de inmediato estas contratacións de “amiguismo político”. “A Deputación de Lugo non pode ser o caixeiro automático co que os nacionalistas financian os seus medios e as súas redes de influencia, mentres se esquecen das necesidades reais dos veciños da provincia”, concluíu.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
