Alfoz, 7 de xullo, 2026. A Peña Deportivista Pardo de Cela celebrou este domingo en Alfoz a súa tradicional comida anual, reunindo preto de 200 persoas nunha xornada de convivencia entre socios, afeccionados e simpatizantes do RC Deportivo.
A cita estivo marcada polo bo ambiente e tamén polo recente ascenso do RC Deportivo á Primeira División, un logro moi celebrado polos asistentes e que foi un dos temas protagonistas ao longo da xornada.
Entre os convidados estiveron a alcaldesa de Alfoz, Efigenia Maseda; Lionel Rexes, escritor e afeccionado; Kike Teijo, xogador do Fabril; e varios futbolistas da categoría cadete do RC Deportivo, fillos de veciños do concello de Foz, que compartiron a comida cos asistentes.
Tras o xantar, a celebración continuou cunha festa amenizada por Son´s Varadero de Foz e Charly finalista de talentos extraordinarios, prolongando unha xornada de encontro entre afeccionados deportivistas chegados de diferentes puntos.
A alcaldesa de Alfoz, Efigenia Maseda, destacou que “é unha satisfacción acompañar á Peña Deportivista Pardo de Cela nesta comida, que xa se converteu nunha tradición. Ademais, este ano celébrase nun momento moi especial para o deportivismo, co regreso do Deportivo á Primeira División, unha alegría que moitos veciños e veciñas compartiron con ilusión”.
Pola súa banda, o presidente da Peña Deportivista Pardo de Cela, Enrique Lorenzo, agradeceu a asistencia dos socios, colaboradores e simpatizantes, así como a implicación de todas as persoas que contribuíron á organización dunha nova edición desta comida anual.
A Peña Deportivista Pardo de Cela continúa deste xeito mantendo unha tradición que cada verán reúne en Alfoz a afeccionados do RC Deportivo nunha xornada de convivencia arredor do deporte e do sentimento branquiazul.
Con ela pechouse a celebración das festas de Santa Isabel que, un ano máis, foi todo un éxito.
A súa busca iniciárase ás 18:30 horas de onte e, despois de horas sen noticias, os familiares contactaron co 112 pasada a unha da madrugada. Finalmente, contra as seis da mañá avisaron de que a muller fora localizada nunha finca no lugar de Mos, sen capacidade para erguerse polos seus propios medios, aínda que rexeitou asistencia médica ao atoparse ben. O 112 mantivo informada en todo momento á Garda Civil durante o operativo.
Inclúe as Noites Alternativas e Enredando no Verán. Este martes arrincan as Noites de Futbol na Praia do Torno.
Precísase unha reparación maior e un suplemento de crédito de 350.000 euros, que o Consello de Ministros aprobará a próxima semana. Coa partida concedida, a maquinaria volverá ao paseo en dúas ou tres semanas. O Concello garante que seguirá vixiando os prazos para asegurar a obra con total seguridade.
As persoas interesadas poderán presentar a súa solicitude ao longo desta semana nas oficinas municipais do Concello de Trabada. O alcalde de Trabada, Rubén García, explica que “desde o Concello queremos dar a máxima difusión a esta convocatoria para que todas as persoas interesadas poidan presentar a súa solicitude e formar parte desta bolsa de emprego”. Desde o Concello animan a todas as persoas interesadas a presentar a súa solicitude dentro do prazo establecido, co obxectivo de garantir a correcta cobertura deste servizo municipal durante o período vacacional.
A alcaldesa, Ana Isabel Fernández García, expresou un "orgullo muy grande" por este logro e destacou que a praia urbana "cumple rigurosamente todos los exigentes requisitos que se solicitan". A obtención da bandeira azul require garantir a calidade das augas, socorrismo, accesibilidade e educación ambiental, e o reto agora é manter estes estándares. O Concello colaborou coa Asociación Fraternidad nun proxecto de conservación da fauna local mediante a fabricación e instalación de caixas niño nas dunas de Navia e Frexulfe. Antonio, membro da entidade, explicou o proceso destas dez "casitas de pájaros" e sinalou que "Ha sido un trabajo muy laborioso pero muy gratificante...", agradecendo a colaboración municipal e a visibilidade que dá ao traballo da asociación.
Puxo en valor a importancia deste tipo de eventos para contribuír á preservación dos traballos gandeiros tradicionais. Cómpre salientar que esta festividade está recoñecida como Festa de Interese Turístico de Galicia. Ademais, nesta ocasión, a conselleira foi nomeada Monteira Maior, unha distinción honorífica outorgada pola Comunidade de Montes de Buio e Lerín, organizadora do evento, ás persoas que colaboraron con eles ou os apoiaron. Gómez trasladou o seu agradecemento por esta mención e reafirmou o seu compromiso co sector agrogandeiro, un piar fundamental para o desenvolvemento do noso rural.