Vilalba, 15 de xullo, 2026. A Garda Civil, no marco da operación Moucho, detivo un veciño de Vilalba (Lugo) como presunto autor dun delito continuado de roubo con forza no interior de vivendas, esclarecendo ata o momento catorce roubos cometidos entre setembro do pasado ano e abril deste 2026 en distintos municipios da comarca da Terra Chá.
A investigación foi desenvolvida por axentes da área de investigación da Garda Civil de Vilalba, tras detectarse un incremento de roubos en vivendas unifamiliares situadas en núcleos rurais dispersos dos municipios de Vilalba, Abadín, Castro de Rei e zonas limítrofes.
Segundo a investigación, o presunto autor seleccionaba vivendas illadas, aproveitando a ausencia dos seus moradores e a escasa presenza de persoas na contorna. Tras realizar labores de vixilancia, accedía ao interior mediante o forzamento de ventás, portas ou pechaduras, principalmente pola parte traseira ou pola planta baixa das vivendas.
Entre os efectos subtraídos atopábanse xoias, cobre, grifería, electrodomésticos, vaixelas e outros enseres domésticos. As xoias eran vendidas habitualmente en establecementos de compravenda de ouro en Lugo; os obxectos domésticos comercializábanse no mercado de segunda man da capital lucense; e os metais eran entregados en chatarrerías de Vilalba.
Durante a fase de explotación da operación, practicouse onte un rexistro no domicilio do detido, onde se recuperaron numerosos efectos de presunta procedencia ilícita, cun valor que supera os 30.000 euros. A Garda Civil continúa coas xestións para localizar os seus lexítimos propietarios e determinar a posible relación do detido con outros feitos delituosos.
O detido foi posto a disposición xudicial.
A operación permanece aberta e non se descartan novas actuacións.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
