Dolores García Caramés e Alfonso Rueda analizaron os investimentos desenvolvidos en colaboración entre ambas administracións e avanzaron nas actuacións previstas en materia de industria, vivenda, infraestruturas, patrimonio, turismo e emprego, entre elas a futura Escola de Carpintería de Ribeira
Cervo, xullo do 2026. A alcaldesa de Cervo, Dolores García Caramés, mantivo unha reunión de traballo co presidente da Xunta de Galicia, Alfonso Rueda, para avanzar na colaboración entre ambas administracións e impulsar novos proxectos que contribúan ao desenvolvemento económico, social e territorial do municipio.
Durante o encontro, fixeron balance das actuacións realizadas nos últimos anos, unha etapa na que a cooperación institucional permitiu materializar investimentos relevantes en ámbitos como a vivenda, as infraestruturas, os servizos públicos, o patrimonio, o turismo, o benestar social e o desenvolvemento económico.
A reunión serviu tamén para revisar a folla de ruta dos proxectos estratéxicos que o Concello ten en marcha, co obxectivo de consolidar o crecemento de Cervo, reforzar o tecido industrial, mellorar as comunicacións, ampliar o acceso á vivenda, recuperar o patrimonio e seguir xerando emprego e novas oportunidades para a veciñanza.
Entre os asuntos tratados, a alcaldesa presentou ao presidente da Xunta o proxecto da Escola de Carpintería de Ribeira, promovido pola Fundación Estaleiros Fra, unha iniciativa destinada á preservación dun oficio tradicional de especial valor para Galicia. García Caramés destacou a importancia deste proxecto para Cervo, ao asentarse sobre a única carpintería de ribeira da Mariña, contribuíndo á conservación dun patrimonio singular e á transmisión deste legado ás futuras xeracións.
Ao remate da reunión, a alcaldesa agradeceu a disposición e receptividade do presidente da Xunta e subliñou a importancia de manter unha colaboración permanente para seguir impulsando proxectos clave para o municipio.
“Foi unha reunión moi positiva, que nos permitiu facer balance do moito que conseguimos grazas á colaboración coa Xunta e compartir a folla de ruta dos proxectos que queremos seguir impulsando. Cervo vive un momento importante e queremos seguir avanzando con planificación, diálogo e colaboración para aproveitar todas as oportunidades de desenvolvemento que temos por diante”, sinalou.
García Caramés reafirmou o compromiso do Concello de continuar traballando para consolidar os proxectos en marcha e impulsar novas actuacións que reforcen o potencial industrial, económico, turístico e patrimonial do municipio.
“O noso compromiso é seguir traballando con responsabilidade e constancia para que Cervo continúe medrando. Temos unha folla de ruta clara e imos seguir en contacto coa Xunta de Galicia para atraer novos investimentos, mellorar os servizos públicos e facer realidade proxectos que contribúan ao benestar da nosa veciñanza”, concluíu.
A alcaldesa reiterou a vontade do Goberno municipal de manter unha interlocución constante coa Xunta para continuar impulsando actuacións que contribúan ao progreso de Cervo e á consolidación do municipio como referente industrial, económico, turístico e patrimonial da Mariña.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
