Nota de prensa:
O CONCELLO OUTORGA 2.250 EUROS EN AXUDAS DE TRANSPORTE A ALUMNOS QUE CURSAN ENSINANZAS NON OBRIGATORIAS E SUPERIORES FORA DO TERMO MUNICIPAL
* Na presente convocatoria recibíronse un total de 18 solicitudes, das cales 17 foron as que se axustaban ás bases para ter dereito a percibir estas axudas
* A contía destinada nos orzamentos municipais para esta liña de axudas era de 6.000 euros
* O investimento municipal en materia de subvencións de carácter educativo supera os 61.000 euros anuais
Cervo, 4 de xaneiro de 2010.- O alcalde de Cervo, Alfonso Villares, e a concelleira de Educación, Yolanda Pedreira, fixeron este mediodía entrega dos cheques de axuda aos alumnos e alumnas do municipio que cursan estudios medios e superiores fora do termo municipal nalgún dos centros públicos de ámbito estatal e que non se imparten no Concello de Cervo .
Na presente convocatoria recibíronse un total de 18 solicitudes, das cales 17 foron as que se axustaban ás bases para ter dereito a percibir estas axudas segundo o valorado polos servizos xurídicos e de intervención municipais. A contía total destas subvencións ascende a 2.250 euros e as cantidades asignadas a cada un dos beneficiarios é de 150 euros para cada un deles.
Entre os beneficiarios atópanse un total de 11 estudantes cervenses de bacharelato e ciclos formativos de grao medio e superior en diversos institutos da comarca e doutras localidades como A Coruña. Así mesmo hai 6 estudantes universitarios que cursan carreiras nas universidades da Coruña, Santiago e Oviedo.
Ampliación do plazo
A concelleira de Educación, Yolanda Perdreira, lembrou que o Concello tiña destinada unha partida inicial de gasto de 6.000 euros dentro dos orzamentos municipais e que o prazo inicial para a presentación de solicitudes para optar a estas axudas fora ampliada ata o pasado mes de decembro co obxecto de que se puideran beneficiar o maior número de rapaces e rapazas.
Pola súa banda, o alcalde, Alfonso Villares, dixo que o Goberno local era consciente da demanda social deste tipo de subvencións. Neste senso lembrou que Cervo é un dos municipios pioneiros da comarca da Mariña na posta en marcha axudas de carácter educativo. “Dende hai anos que vimos apostando pola Educación como motor principal do futuro deste municipio” asegurou.
Segundo Villares, así o reflicten “estas e outras moitas axudas” que ten o Concello relativas á Educación “coma as axudas ás asociacións de Nais e Pais, ou a contratación de conserxes en tódolos colexios do municipio” indicou o rexedor. “Estas liñas de subvencións municipais -dixo- superan anualmente os 61.000 euros sen contar os gastos de mantemento dos colexios. Pretendemos, en definitiva, contribuír a facer efectivo o principio de igualdade no exercicio do dereito á educación dos nenos e nenas do noso municipio”.
Nesta convocatoria podían optar ás axudas aqueles rapaces e rapazas que estiveran cursando as seguintes modalidades educativas:
* Educación secundaria postobrigatoria:
1. Bacharelato (modalidade de artes)
2. Formación profesional de grao medio
3. Ensinanzas profesionais de artes plásticas e deseño de grao medio
4. Ensinanzas deportivas de grao medio
* Educación superior:
1. Ensinanza universitaria (diplomatura, licenciatura ou grao)
2. Ensinanzas artísticas superiores
3. Formación profesional de grao superior
4. Ensinanzas profesionais de artes plásticas e deseño de grao superior
5. Ensinanzas deportivas de grao superior
Quedan excluídas desta convocatoria de axudas, as ensinanzas de réxime especial (ensinanzas de idiomas, artísticas ou deportivas por ter unha liña de axudas específica para eles).
Os requisitos para optar ás axudas eran:
1. A unidade familiar deberá estar empadroada e ter residencia efectiva permanente no Concello de Cervo
2. Convivir, nesa unidade familiar, as/os alumnas/os para as/os que se solicita as axudas
3. Estar cursando ou ter fi lias/os cursando algún dos estudios indicados anteriormente nalgún centro educativo público estatal, no curso 2009-2010 e terse presentando polo menos ó 50% das materias correspondentes á matricula do citado curso
4. A renda per cápita familiar non superará o valor do 150% do IPREM para o ano 2009 (9.490,29 €/ano)
5. Non ser debedor/a da Facenda Municipal, Autonómica e/ou Estatal, así como da Seguridade Social
6. Non ter pendente de xustificación ningunha subvención concedida polo Concello de Cervo
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
